“என் அப்பாவே ஒரு வில்லன்… நீதிமன்றத்தில் மகள் கண்ணீர் வாக்குமூலம்…! மனைவியை வன்கொடுமை செய்து… கொன்ற கொடூரனுக்கு… 33 ஆண்டுகள் ஆயுள் தண்டனை… விதித்து நீதிமன்றம் அதிரடி…!”

கொலையாளி மைக்கேல் தாம்சன் (56), பிரிந்து வாழ்ந்த தனது மனைவி கிம்பர்லி தாம்சனை (43) பல ஆண்டுகளாகக் குடும்ப வன்முறைக்கு ஆளாக்கி, கடந்த ஆண்டு ஆகஸ்ட் 9 அன்று நார்தாம்ப்டனில் உள்ள வீட்டில் வைத்துப் பாலியல் வன்கொடுமை செய்து கழுத்தை நெரித்துக் கொலை செய்துள்ளார். இச்செயலை மறைத்து தற்கொலை போலக் காட்ட, மது பாட்டில்கள் மற்றும் மாத்திரைப் பொட்டலங்களை அவர் உடலைச் சுற்றி வைத்து நாடகமாடியுள்ளார். மேலும், மனைவியின் சமூக வலைதளப் பக்கங்களில் போலிப் பதிவுகளையும் வெளியிட்டுள்ளார். பிரேதப் பரிசோதனையில் திருமதி தாம்சன் மது அருந்தவில்லை என்பதும், அவர் கொலை செய்யப்பட்டுள்ளார் என்பதும் தெளிவாக நிரூபிக்கப்பட்டது.

நீதிமன்றத்தில் நடைபெற்ற ஏழு வார கால விசாரணையில், நடுவர் குழுவினர் பலாத்காரம், கொலை மற்றும் நீதியைத் திசைதிருப்பிய குற்றங்களுக்காகத் தாம்சனைக் குற்றவாளி என ஒருமனதாகத் தீர்ப்பளித்தனர். தண்டனை விவரங்கள் அறிவிக்கப்பட்டபோது, தாம்சன் நீதிமன்றத்திற்கு வர மறுத்துவிட்டார். அமெரிக்காவிலிருந்து காணொளி மூலம் ஆஜரான அவரது மகள் அதீனா, தன் தந்தையை ஒரு “பொறாமைக்கார, சூழ்ச்சிக்கார வில்லன்” என்றும், அவர் வாழ்வதற்குத் தகுதியற்றவர் என்றும் கண்ணீருடன் குறிப்பிட்டார். மனைவியின் புதிய வாழ்க்கைச் சூழல், விவாகரத்து ஒப்பந்தத் தொகை மற்றும் பொறாமை ஆகியவையே இக்கொலைக்குக் காரணம் என அரசுத் தரப்பில் தெரிவிக்கப்பட்டது.

இறுதியில், குற்றவாளி தாம்சனுக்குக் கொலை மற்றும் நீதியைத் திசைதிருப்பிய குற்றங்களுக்காகக் குறைந்தபட்சம் 33 ஆண்டுகள் சிறைத்தண்டனையுடன் கூடிய ஆயுள் தண்டனையும், பாலியல் பலாத்காரக் குற்றத்திற்காக அதனுடன் சேர்த்து அனுபவிக்கும் வகையில் 10 ஆண்டுகள் சிறைத்தண்டனையும் விதித்து நீதிபதி ஷான்ட் தீர்ப்பளித்தார்.