அடச்சீ… நீயெல்லாம் ஒரு மனுஷியா?… நடுரோட்டில் 5 வயதுச் சிறுமிக்கு நேர்ந்த கொடூரம்… நெஞ்சை பதறவைக்கும் சிசிடிவி காட்சி…!

ஜோடா பாடக்கின் தர்மபுரா பகுதியில் வியாழக்கிழமை மாலை ஐந்து வயதுச் சிறுமியை பெண் ஒருவர் நடுரோட்டில் கொடூரமாகத் தாக்கிய சம்பவம் பரபரப்பை ஏற்படுத்தியுள்ளது. அன்மோல் போனி என அடையாளப்படுத்தப்பட்ட அப்பெண், சிறுமியைத் தொடர்ச்சியாகக் கன்னத்தில் அறைந்து, தரையில் தள்ளி, தனது வீட்டை நோக்கி இழுத்துச் செல்லும் அதிர்ச்சி காட்சிகள் அங்குள்ள சிசிடிவி கேமராவில் பதிவாகியுள்ளன. கால்களில் பிரச்சனை உள்ளதால் சிறப்பு காலணிகளை அணிந்திருந்த அமேனியா என்ற அந்தச் சிறுமி, வீட்டுப் பொருட்களை வாங்கச் சென்றபோது இந்தத் தாக்குதல் நடந்துள்ளது.

சிறுமியைக் காப்பாற்ற ஓடிவந்த அவளது தாயாரையும் அந்தப் பெண் கெட்ட வார்த்தைகளால் பேசி, மிரட்டித் தள்ளியதில் அவரும் சாலையில் விழுந்தார். உடனடியாக அப்பகுதி மக்களும், அங்கு வந்த ஒரு டியூஷன் ஆசிரியரும் தலையிட்டுச் சிறுமியை அந்தப் பெண்ணிடமிருந்து மீட்டனர். சிறுமியின் குடும்பத்தினருக்கும் அன்மோலுக்கும் இடையே ஏற்கனவே இருந்துவந்த பழைய முன்விரோதம் காரணமாகவே ஆத்திரத்தில் இந்தத் தாக்குதல் நடைபெற்றதாக அன்மோலின் தாய் தரப்பில் கூறப்படுகிறது. அதேவேளையில், அந்தப் பெண் ஏற்கனவே அப்பகுதியில் விசித்திரமாகச் செயல்பட்டு வந்ததாகவும், அவருக்கு மனநலப் பிரச்சனை இருக்கலாம் என்றும் உள்ளூர்வாசிகள் தெரிவிக்கின்றனர்.

https://twitter.com/HateDetectors/status/2106306550482763892/video/1

சம்பவம் குறித்து சிறுமியின் தந்தை பங்கஜ் அளித்த புகாரின்பேரில் காவல்துறை விசாரணை மேற்கொண்டு வருகிறது. முதற்கட்டமாகச் சம்பவ இடத்திலிருந்த சிசிடிவி பதிவுகளைக் கைப்பற்றியுள்ள போலீசார், பெண்ணின் மனநலப் பிரச்சனை குறித்த புகார்களையும், குடும்ப முன்விரோதம் குறித்த தகவல்களையும் தீவிரமாகச் சரிபார்த்து வருகின்றனர். விசாரணை முடிவுகளின் அடிப்படையில் அடுத்தகட்ட சட்டபூர்வ நடவடிக்கை எடுக்கப்படும் எனத் தெரிவிக்கப்பட்டுள்ளது.