“படிவத்தை கூட ஒழுங்கா நிரப்பத் தெரியாதா?”… விஜய் மீது இத்தனை வழக்குகளா?.. திருச்சி வேட்புமனுவில் வெளியான அதிரடி தகவல்கள்… அதிர்ச்சியில் தொண்டர்கள்..!!

தமிழக வெற்றிக் கழகத் தலைவர் விஜய், 2026 தமிழ்நாடு சட்டப்பேரவைத் தேர்தலில் பெரம்பூர் மற்றும் திருச்சி கிழக்கு ஆகிய இரு தொகுதிகளில் போட்டியிட வேட்புமனுத் தாக்கல் செய்துள்ளார். இருப்பினும், இந்த இரு தொகுதிகளிலும் அவர் தாக்கல் செய்துள்ள பிரமாணப் பத்திரங்களில் தனக்கு எதிராக நிலுவையில் உள்ள வழக்குகள் குறித்த தகவல்களில் முரண்பாடுகள் இருப்பது பெரும் சர்ச்சையை ஏற்படுத்தியுள்ளது.

மேலும் பெரம்பூர் தொகுதியில் தாக்கல் செய்த மனுவில் தனக்கு எதிராக எந்த வழக்கும் இல்லை எனக் குறிப்பிட்டுள்ள விஜய், திருச்சி கிழக்குத் தொகுதியில் தாக்கல் செய்த மனுவில், 2025-ம் ஆண்டு மதுரை மாநாட்டின் போது ஏற்பட்ட ஒரு விபத்து தொடர்பான வழக்கு மற்றும் கொளத்தூர் பரப்புரையின் போது பதிவான வழக்கு என இரு வழக்குகள் குறித்துக் குறிப்பிட்டுள்ளார்.

இந்தத் தகவல் முரண்பாடு காரணமாக விஜய்யின் வேட்புமனுக்கள் நிராகரிக்கப்பட வாய்ப்புள்ளதாக அரசியல் வட்டாரத்தில் பேசப்படுகிறது. குறிப்பாக, பெரம்பூர் தொகுதியில் தாக்கல் செய்யப்பட்ட மனுவில் இந்த வழக்கு விவரங்கள் விடுபட்டுள்ளதால், அங்கு அவரது மனு தள்ளுபடி செய்யப்படலாம் என்ற அச்சம் நிலவுகிறது.

இதனால் மதுரையில் நடைபெற்ற கட்சி மாநாட்டின் போது ஏற்பட்ட காயங்கள் தொடர்பாகத் தொடரப்பட்ட வழக்கு பற்றி தனக்குத் தாமதமாகவே தகவல் தெரிந்ததால், திருச்சி கிழக்கு மனுவில் அதைச் சேர்த்துள்ளதாக விஜய் விளக்கமளித்துள்ளார். ஒரு கட்சியின் தலைவரே வேட்புமனுத் தாக்கலில் இத்தகைய குளறுபடிகளைச் செய்திருப்பது சமூக வலைதளங்களில் கடுமையான விமர்சனங்களைச் சந்தித்து வருகிறது. வேட்புமனு பரிசீலனைக்கு முன்னதாக இதனைச் சரிசெய்யாவிட்டால், அவர் ஒரு தொகுதியில் மட்டுமே போட்டியிடும் நிலை உருவாகலாம்.