நீதிக்காகப் போராடும் குடும்பம்… அப்பாவி வியாபாரியின் மரணம்… அதிகார பின்னணி குற்றவாளிகளை காப்பாற்றுகிறதா?… சிசிடிவியில் சிக்கிய பகீர் காட்சிகள்…!!

கொச்சியில் நள்ளிரவு வேளையில் நிகழ்ந்த கோர விபத்து ஒன்று, அதிகாரப் பின்னணியும் அலட்சியமும் மனித உயிர்களை எவ்வாறு சாதாரணமாகக் கருதுகின்றன என்ற கடுமையான விவாதத்தை ஏற்படுத்தியுள்ளது. அக்டோபர் 25 அன்று அதிகாலை, கூடுதல் மாவட்ட நீதிபதியின் 17 வயது மகன், தனது தந்தையின் வாகனத்தை அதிவேகமாக ஓட்டிச் சென்று ஜெயபாலகிருஷ்ணன் என்ற 55 வயது தெருவோர உணவு வியாபாரியின் ஸ்கூட்டர் மீது பயங்கரமாக மோதியுள்ளார். இந்த மோதலில் அந்த அப்பாவி வியாபாரி சம்பவ இடத்திலேயே உயிரிழந்தார். விபத்து நடந்த சில மணி நேரங்களிலேயே அந்தச் சிறுவன் காவல் நிலையப் பிணையில் எளிதாக விடுவிக்கப்பட்ட விவகாரம், பொதுமக்கள் மற்றும் சமூக ஆர்வலர்களிடையே பெரும் கொந்தளிப்பைத் தூண்டியது.

பொதுமக்களின் கடுமையான எதிர்ப்பு மற்றும் போராட்டங்களைத் தொடர்ந்தே, காவல்துறையினர் அந்த இளைஞனை மீண்டும் காவலில் எடுத்து, கொலைக்கு நிகரான மரணம் விளைவித்தல் உள்ளிட்ட கடுமையான பிரிவுகளின் கீழ் சிறார் நீதி வாரியத்தில் ஆஜர்படுத்தினர். இருப்பினும், அவர் மீண்டும் ஜாமீனில் விடுவிக்கப்பட்டதும், காரின் உரிமையாளரான நீதிபதி தந்தை மீது மோட்டார் வாகனச் சட்டப்படி வழக்கு மட்டும் பதிவு செய்யப்பட்டு இன்னும் கைது நடவடிக்கை பாயாததும் பாதிக்கப்பட்ட குடும்பத்தினருக்குப் பெரும் ஏமாற்றத்தை அளித்துள்ளது. செல்வாக்கு மிக்கவர்களுக்கு ஒரு நியதியும், ஏழை எளியவர்களுக்கு வேறு ஒரு சட்டமுமா என்று கேள்வி எழுப்பும் பாதிக்கப்பட்ட குடும்பத்தினர், அதிகாரத் தலையீடின்றி முறையான நீதி வழங்கப்பட வேண்டும் என உறுதியாகக் கோரி வருகின்றனர்.