BREAKING: அதிமுகவிலிருந்து விலகி திமுகவில் இணையும் தங்கமணி..? அதிர்ச்சியில் அரசியல் வட்டாரம்…!!

அதிமுகவின் மூத்த தலைவர்களில் ஒருவரான பி. தங்கமணி கட்சியில் இருந்து விலகப்போவதாக சமூக வலைதளங்களில் பரவி வரும் செய்திகள் குறித்து, அவர் தரப்பிலிருந்து தற்போது விளக்கமளிக்கப்பட்டுள்ளது. அவர் கட்சியிலிருந்து விலகுவதாகக் கூறப்படும் செய்திகளில் உண்மையில்லை என்றும், அஇஅதிமுகவே தனது உயிர்மூச்சு என்றும் அவர் திட்டவட்டமாகத் தெரிவித்துள்ளார்.

கடந்த சில நாட்களாக, அதிமுக பொதுச்செயலாளர் எடப்பாடி பழனிசாமி (EPS) மற்றும் தங்கமணி இடையே மோதல் நிலவுவதாகவும், இதன் காரணமாகவே நாமக்கல் பகுதியில் இபிஎஸ் தனது பிரச்சாரத்தைத் தாமதப்படுத்தியதாகவும் தகவல்கள் பரவின. மேலும், தங்கமணி அதிருப்தியில் இருப்பதாகவும், அவர் விரைவில் திமுகவில் இணைய வாய்ப்புள்ளதாகவும் அரசியல் வட்டாரங்களில் பேசப்பட்டது.

இந்த வதந்திகளுக்கு முற்றுப்புள்ளி வைக்கும் விதமாக அறிக்கை வெளியிட்டுள்ள தங்கமணி, “கடைசி மூச்சு வரை அதிமுகவிலேயே நீடிப்பேன்; எனது மறைவிற்குப் பிறகும் எனது உடல் அதிமுக கொடியால்தான் போர்த்தப்பட வேண்டும்” என உருக்கமாகத் தெரிவித்துள்ளார். இதன் மூலம், இபிஎஸ் உடன் அவருக்குப் பிளவு ஏற்பட்டுள்ளதாகக் கூறப்படும் செய்திகள் வெறும் அரசியல் வதந்திகள் என்பது உறுதியாகியுள்ளது.