தஞ்சாவூரில் நடைபெற்ற தேர்தல் பிரசாரத்தில் நாம் தமிழர் கட்சியின் ஒருங்கிணைப்பாளர் சீமான், ‘தாலிக்கு தங்கம்’ திட்டத்தை கடுமையாக விமர்சித்துப் பேசியுள்ளது தமிழக அரசியல் களத்தில் பெரும் விவாதத்தை ஏற்படுத்தியுள்ளது. வறுமைக் கோட்டிற்கு கீழ் உள்ள பெண்களுக்கு திருமண உதவியாக தங்கம் வழங்கும் இத்திட்டத்தை அதிமுக மீண்டும் கொண்டு வருவோம் என வாக்குறுதி அளித்து வரும் நிலையில், “தன் மனைவியின் தாலிக்காக அடுத்தவரிடம் கையேந்துவது மானக்கேடான விஷயம்” என சீமான் பேசியது சமூக வலைதளங்களில் ஆதரவாகவும், எதிர்ப்பாகவும் பகிரப்பட்டு வருகிறது.
கடந்த அதிமுக ஆட்சிக் காலத்தில் ஜெயலலிதாவால் கொண்டு வரப்பட்ட இத்திட்டத்தை, 2021-ல் பொறுப்பேற்ற திமுக அரசு ‘புதுமைப் பெண்’ திட்டமாக மாற்றியது. திருமண உதவியை விட பெண்களின் உயர்கல்வியே முக்கியம் என்ற நோக்கில், அரசுப் பள்ளிகளில் படித்து உயர்கல்வி செல்லும் மாணவிகளுக்கு மாதம் 1,000 ரூபாய் வழங்கும் வகையில் இம்மாற்றம் செய்யப்பட்டது. ஆனால், அதிமுக பொதுச்செயலாளர் எடப்பாடி பழனிசாமி, தாங்கள் மீண்டும் ஆட்சிக்கு வந்தால் தாலிக்கு தங்கம் திட்டத்துடன் பட்டு வேட்டி, சேலைகளையும் சேர்த்து வழங்குவோம் எனத் தனது தேர்தல் அறிக்கையில் குறிப்பிட்டிருந்தார்.
இந்நிலையில், இத்திட்டங்களை கடுமையாகச் சாடிய சீமான், “அரை பவுன் தாலி கூட வாங்க முடியாத நிலையில் இருப்பவர்களுக்கு எதற்குத் திருமணம்?” என்ற கேள்வியை எழுப்பினார். ஒரு மனிதன் தன் உழைப்பில் சம்பாதித்துத் தன்மானத்தோடு வாழ வேண்டுமே தவிர, அரசாங்கம் போடும் பிச்சையில் தாலி கட்டக் கூடாது என்று அவர் ஆக்ரோஷமாகப் பேசியது பொதுமக்களிடையே அதிர்வலைகளை உருவாக்கியுள்ளது. குறிப்பாக, “உன் பொண்டாட்டி கழுத்துல நீ தாலி கட்ட முடியாத உனக்கு எதுக்குடா வாழ்வு?” என்ற அவரது சொல்லாடல் விவாதப்பொருளாக மாறியுள்ளது.
இறுதியாக, தற்சார்பு பொருளாதாரமே ஒரு சமூகத்தின் முன்னேற்றம் என வாதிட்ட சீமான், அரசு இலவசங்களைக் கொடுப்பதற்குப் பதிலாக கல்வி மற்றும் மருத்துவத்தைச் சீர் செய்ய வேண்டும் என்றார். “தனியார் மருத்துவமனையில் பிரசவத்திற்குச் செலவாகும் லட்சக்கணக்கான ரூபாயை அரசு மிச்சப்படுத்திக் கொடுத்தாலே, அந்தப் பணத்தில் மக்கள் தங்களுக்குத் தேவையான தங்கத்தைச் சேர்த்துக்கொள்ள முடியும்” என அவர் மாற்று யோசனையை முன்வைத்தார். இலவச அரசியல் கலாச்சாரத்தை அவர் விமர்சித்த விதம், தற்போதைய தேர்தல் களத்தில் அனலைப் பறக்கவிட்டுள்ளது.
சென்னை ஆவடி பகுதியில் 15 வயது சிறுமிக்கு பாலியல் தொல்லை அளிக்கப்பட்ட சம்பவம் அப்பகுதியில் பெரும் அதிர்ச்சியையும் பரபரப்பையும் ஏற்படுத்தியுள்ளது.…
திருநெல்வேலி அருகே அரசுப் பணியை முடித்துத் திரும்பிய பெண் காவலருக்குப் பாலியல் தொல்லை அளித்த சிறப்பு உதவி ஆய்வாளர் கைது…
சென்னையில் நடைபெற்ற நிகழ்வில் பேசிய அமைச்சர் ஆதவ் அர்ஜுனா, தமிழக அரசியலில் இதுவரை எந்த ஒரு தலைவருக்கும் இல்லாத வகையில்…
மதுரை முன்னாள் துணை மேயரும், அதிமுக கொள்கைப் பரப்புத் துணைச் செயலாளருமான பி.எம். மன்னன், தவெக ஆட்சியை கவிழ்க்க ரூ.30…
மேற்கு வங்க மாநிலம் தெற்கு தினாஜ்பூர் மாவட்டம் கங்காராம்பூர் பகுதியைச் சேர்ந்தவர் ரிண்டு சர்க்கார் (46), அரசு பேருந்து நடத்துநராகப்…
தருமபுரி மாவட்டம் மாரண்டஅள்ளி அருகே மனைவியின் முன்னாள் காதலனுடன் ஏற்பட்ட கள்ளக்காதல் தகராறில், இருவரையும் சமாதானம் செய்யச் சென்ற நண்பர்…