சீரியல் நடிகையுடன் ரீல்ஸ் செய்து அசத்தும் நடிகர் விஜயின் அம்மா ஷோபா… இணையத்தை கலக்கும் வீடியோ…

தமிழ் சினிமாவில் முன்னணி நடிகராக கொடி கட்டி பறந்து கொண்டிருப்பவர் தான் நடிகர் விஜய். இவர் தற்பொழுது வெங்கட் பிரபு இயக்கும் தளபதி 68 திரைப்படத்தில் நடித்து வருகிறார்.  ஏஜிஎஸ் நிறுவனம் தயாரிக்கும் இந்த திரைப்படதில் விஜய் – வெங்கட் பிரபு – யுவன் சங்கர் ராஜா கூட்டணி இணைகின்றனர். இத்திரைப்படத்தில் இதுவரை டபுள் ஆக்ஷனில் யாரும் செய்திடாத பல புதிய முயற்சிகளை எடுப்பதற்கு வெங்கட் பிரபு திட்டமிட்டுள்ளார்.

அதன்படி இத்திரைப்படத்தில் நடிகை சினேகா, நடிகை லைலா, நடிகர் மைக் மோகன், நடிகர் விடிவி கணேஷ், நடிகர் யோகி பாபு என பல திரைபிரபலங்கள் நடிக்க இருப்பதாக கூறப்பட்டுள்ளது. தளபதிக்கு ஜோடியாக நடிகை மீனாட்சி சவுத்ரி நடிக்க இருப்பதும் குறிப்பிடத்தக்கது. இந்நிலையில் தளபதி 68 திரைப்படத்தின் வேலைகள் மும்முரமாக நடைபெற்று வருகிறது.

பல்வேறு நாடுகளுக்கு சென்று படக்குழு படப்பிடிப்பை தற்பொழுது நடத்தி வருகின்றனர். தென்னாபிரிக்கா, தாய்லாந்து, சென்னை என இத்திரைப்படத்தின் ஷூட்டிங் பல்வேறு இடங்களில் நடத்தி வருகின்றனர். தற்பொழுது தளபதி 68 ஷூட்டிங் துருக்கியில் நடைபெற்று வருகிறது. நடிகர் விஜய்யின் அப்பா எஸ்ஏ சந்திரசேகர் என்பது நமக்கு தெரியும். இவர் தற்பொழுது 78 வயதைக் கடந்தும் சின்னத்திரை சீரியலில் நடித்து வருகிறார்.

அம்மா ஷோபாவும் அடிக்கடி மீடியாவில் பேட்டி கொடுத்து வருகிறார். விஜய் பற்றி அவர் கூறும் விஷயங்களும் வைரல் ஆகின்றன. சமீபத்தில் கூட மகனின் திருமணம் குறித்து இவர் கொடுத்த பேட்டியானது இணையத்தில் வைரலாக பார்க்கப்பட்டது. இந்நிலையில் தற்போது விஜய்யின் அம்மா ஷோபாவின் சீரியல் நடிகை சோனியாவுடன் ரீல்ஸ் செய்த வீடியோ ஒன்று இணையத்தில் வைரல் ஆகி வருகிறது. ‘So beautiful , so elegant, just looking like a WOW’ என ட்ரெண்ட் ஆகி கொண்டிருக்கும் ரீல்ஸை  தான் அவரும் செய்துள்ளார். இந்த வீடியோ தற்பொழுது இணையத்தில் படுவைரலாகி வருகிறது. இதோ அந்த வீடியோ…