ஐயோ… கண்ணு முன்னாடியே ஜீப்போட அடிச்சுட்டு போயிட்டாங்க… மன்சரோவர் யாத்திரை சென்ற… தெலுங்கு குடும்பம் நேபாள வெள்ளத்தில் மாயம்… உறவினர்கள் கதறல்…!

நேபாளத்தில் ஏற்பட்ட வெள்ளப்பெருக்கில் லண்டனில் வசித்து வந்த சாந்ததோஷ் குமார் சாகு என்பவரின் குடும்பத்தினர் காணாமல் போன சம்பவம் பெரும் சோகத்தை ஏற்படுத்தியுள்ளது. பார்வதி மன்சரோவர் யாத்திரைக்காக ஆந்திர மாநிலம் பார்வதிபுரம் மன்யம் மாவட்டத்தைச் சேர்ந்த சாந்ததோஷ் (47), தனது மனைவி சுரபி (43) மற்றும் பிள்ளைகள் ஸ்பந்தனா (18), சாய்னா (13) ஆகியோருடன் நேபாளத்திற்குச் சென்றுள்ளார். அங்கு அவர்கள் பயணம் செய்த ஜீப் வெள்ளத்தில் அடித்துச் செல்லப்பட்டதாக நேபாள வழிகாட்டி குடும்பத்தினருக்குத் தகவல் தெரிவித்துள்ளார்.

கடந்த 20 ஆண்டுகளாக லண்டனில் குடியேறி வசித்து வந்த இந்த குடும்பத்தினர், புனித யாத்திரைக்காக நேபாளம் சென்ற வழியில் இந்த எதிர்பாராத பேரிடரை எதிர்கொண்டுள்ளனர். வெள்ளத்தில் வாகனம் அடித்துச் செல்லப்பட்ட விபத்து குறித்த செய்தி சொந்த ஊரில் உள்ள உறவினர்களைச் சென்றடைந்ததை அடுத்து, குடும்பத்தினர் அனைவரும் ஆழ்ந்த அதிர்ச்சியிலும் வேதனையிலும் மூழ்கியுள்ளனர்.

காணாமல் போனவர்களை மீட்கும் பணிகளைத் தீவிரப்படுத்துமாறு உறவினர்கள் அரசு அதிகாரிகளிடம் கோரிக்கை விடுத்துள்ளனர். இந்தத் துயரச் சம்பவம் அப்பகுதியில் பெரும் சோகத்தை ஏற்படுத்தியுள்ள நிலையில், ஒட்டுமொத்த குடும்பத்தினரின் பாதுகாப்பான திரும்புதலுக்காக அனைவரும் பிரார்த்தனை செய்து வருகின்றனர்.