47 வயதில் பேச்சுலர் லைஃபுக்கு எண்டு கார்டு போட்ட விஜய் பட வில்லன் நடிகர்.. வாழ்த்தும் ரசிகர்கள்..!

தமிழ் சினிமாவில் கடந்த சில வருடங்களாகவே நடிகர் நடிகைகள் திருமணம் செய்து கொள்வதும் விவாகரத்து செய்து பிரிவதும் என்பது தொடர்ந்து அதிகரித்துக் கொண்டே வருகிறது. சமீபத்தில் கூட நடிகை ரம்யா பாண்டியன் திருமணம் நடைபெற பிறகு இட்லி கடை தயாரிப்பாளர் ஆகாஷ் பாஸ்கரன் திருமணமும் நடைபெற்றது. இவர்களைத் தொடர்ந்து நடிகை கீர்த்தி சுரேஷ் விரைவில் திருமணம் செய்து கொள்ள உள்ளார்.

இப்படியான நிலையில் தெலுங்கு சினிமாவில் குணச்சித்திர மற்றும் வில்லன் நடிகர்களில் ஒருவராக இருக்கக்கூடிய நடிகர் பென்மேட்சா சுப்பாராஜு தற்போது திருமணம் செய்து கொண்டு பேச்சிலர் வாழ்க்கைக்கு எண்டு கார்டு போட்டுள்ளார். தெலுங்கில் பிரபலமான நடிகரான இவர் தமிழில் எம் குமரன் சன் ஆப் மகாலட்சுமி, போக்கிரி, சரவணா, ஆயுதம், ஆதி மற்றும் பாகுபலி 2 உள்ளிட்ட பல திரைப்படங்களில் நடித்துள்ளார். தெலுங்கு மற்றும் தமிழ் மட்டுமல்லாமல் கன்னடம், மலையாளம் மற்றும் ஹிந்தி ஆகிய மொழிகளிலும் ஏராளமான திரைப்படங்களில் இவர் நடித்துள்ளார்.

தற்போது 47 வயதாகும் இவர் இதுவரை திருமணம் செய்து கொள்ளாமல் பேச்சிலர் வாழ்க்கை வாழ்ந்து வந்த நிலையில் தற்போது பேச்சுலர் வாழ்க்கைக்கு முற்றுப்புள்ளி வைத்து குடும்ப வாழ்க்கைக்கு ஆரம்ப புள்ளி வைத்துள்ளார். அவர் தன்னுடைய மனைவியுடன் போஸ் கொடுக்கும் புகைப்படத்துடன் சமூக வலைத்தளங்களில் இந்த அறிவிப்பை அவர் வெளியிட்டுள்ளார். இதனைத் தொடர்ந்து அவருக்கு திரை பிரபலங்கள் மற்றும் ரசிகர்கள் உள்ளிட்ட பலரும் வாழ்த்து தெரிவித்து வருகிறார்கள்.