அடச்சீ… கொஞ்சம் கூட மனசாட்சியே இல்லை… வகுப்பறையில் மாணவரை சரமாரியாக உதைத்த ஆசிரியர்… கொந்தளிக்கும் மக்கள்… ஜெய்ப்பூரில் நடந்த அதிர்ச்சி சம்பவம்…!

ஜெய்ப்பூரில் உள்ள பிரபல பயிற்றுவிப்பு மையத்தில் ஆசிரியர் ஒருவர் வகுப்பறைக்குள் மாணவரைத் தாக்கிய சம்பவத்தைக் கண்டித்து, அம்மாணவர்கள் ஞாயிற்றுக்கிழமை போராட்டத்தில் ஈடுபட்டனர். இச்சம்பவத்தை தொடர்ந்து, சம்பந்தப்பட்ட ஆசிரியரைப் பணியில் இருந்து அந்த நிறுவனம் நீக்கியுள்ளது.

அதிகாரிகள் அளித்த தகவலின்படி, அக்டோபர் 2-ஆம் தேதி ‘கலாம் அகாடமி’ நிறுவனத்தின் ஜெய்ப்பூர் கிளையில் இந்த விபரீதம் நிகழ்ந்துள்ளது. ஏதோ ஒரு தகராறு காரணமாக, அம்மாணவரை ஆசிரியர் கடுமையாகத் தாக்கி, எட்டி உதைத்ததாகக் கூறப்படுகிறது.

ஆசிரியரின் இந்த வரம்புமீறிய செயலால் ஆத்திரமடைந்த சக மாணவர்கள், பயிற்றுவிப்பு மையத்தின் முன் திரண்டு தங்களது கண்டனத்தையும் எதிர்ப்பையும் பதிவுசெய்தனர். மாணவர்களின் தொடர் போராட்டத்தைத் தொடர்ந்து, நிர்வாகம் உடனடியாக நடவடிக்கை எடுத்து அந்த ஆசிரியரைப் பணியை விட்டு நீக்கியது.