பெண் வேடம் அணிந்து நடிக்கும் மகன்… ஒட்டுமொத்த ஊரே அசிங்கப்படுத்தும்… தமிழா தமிழா அரங்கத்தில் கண்ணீர் வடித்த தாய்… கலங்க வைக்கும் வீடியோ…!

ஜீ தமிழ் தொலைக்காட்சியின் புகழ்பெற்ற ‘தமிழா தமிழா’ நிகழ்ச்சியின் இந்த வார ப்ரோமோ  சமூக வலைதளங்களில் வைரலாகி, பார்ப்பவர் நெஞ்சங்களை நெகிழச் செய்துள்ளது. நாட்டுப்புறக் கலைஞர்களின் வாழ்வியலையும், அவர்கள் சந்திக்கும் சவால்களையும் மையமாகக் கொண்டு இந்த வாரம் விவாதம் நடைபெறவுள்ளது. இதில் கலந்துகொண்ட ஒரு கலைஞர், மேடையில் பெண் வேடமிட்டு ஆடுவது குறித்தும், அதனால் அவரது குடும்பம் எதிர்கொள்ளும் சமூகப் பார்வைகள் குறித்தும் ஆவுடையப்பன் முன்னிலையில் உருக்கமான உரையாடல்கள் நிகழ்ந்தன.

குறிப்பாக, பெண் வேடமிட்டு ஆடும் அந்த மகனின் தாய் மேடையில் கண்ணீர் மல்கப் பேசியது அனைவரையும் உருக வைத்துள்ளது. “தன் மகன் பெண் வேடமிட்டு ஆடுவதால் ஊரே அவனை இழிவாகப் பேசினாலும், அழிந்து வரும் ஒரு கலையை உயிர்ப்புடன் வைத்திருக்க அவன் செய்யும் இந்த முயற்சியை நினைத்து நான் பெருமைப்படுகிறேன்” என்று அவர் கூறிய வார்த்தைகள் இணையவாசிகளை வெகுவாகக் கவர்ந்துள்ளன. கலைஞர்களின் குடும்பத்தினர் படும் இன்னல்களையும், கலை மீதான அவர்களின் பற்றையும் பறைசாற்றும் இந்த நிகழ்ச்சியின் ப்ரோமோ தற்போது வைரலாகி வருகிறது.