குஷியோ குஷி..! இனி அலையத் தேவையில்லை… மகளிர் நலனில் தமிழக அரசு அதிரடி…மாவட்ட ஆட்சியர் அழைப்பு…!!

திருவள்ளூர் மாவட்டத்தில் உள்ள கைம்பெண்கள், கணவனால் கைவிடப்பட்டவர்கள் மற்றும் ஆதரவற்ற பெண்களின் வாழ்வாதாரத்தை மேம்படுத்தும் நோக்கில், தமிழ்நாடு அரசின் மகளிர் நல வாரியத்தில் அவர்களை இணைப்பதற்கான சிறப்பு முகாம் வரும் ஆகஸ்ட் 19-ஆம் தேதி மாவட்ட ஆட்சியர் அலுவலகத்தில் நடைபெற உள்ளது. இத்திட்டத்தின் மூலம் சட்ட உதவி, பாதுகாப்பு மற்றும் பல்வேறு அரசுச் சலுகைகளை எளிதாகப் பெற முடியும். விருப்பமுள்ளவர்கள் முகாமில் நேரில் கலந்துகொண்டோ அல்லது அரசின் அதிகாரப்பூர்வ இணையதளம் மூலமாகவோ தங்களை உறுப்பினர்களாகப் பதிவு செய்து கொள்ளலாம் என ஆட்சியர் கவிதா அறிவித்துள்ளார்.

இதேபோன்று, தூத்துக்குடி மாவட்டத்தில் உப்பு உற்பத்தியில் ஈடுபடும் தொழிலாளர்களின் நலன் கருதி, அரசின் அத்தியாவசிய சேவைகளை அவர்கள் வசிக்கும் இடங்களிலேயே நேரடியாக வழங்கும் சிறப்பு முகாம்கள் மாவட்ட நிர்வாகத்தால் ஏற்பாடு செய்யப்பட்டுள்ளன. வருவாய்த்துறை, மருத்துவம், காப்பீடு மற்றும் இதர முக்கிய அரசுத் துறைகளின் சேவைகளை ஒருங்கிணைத்து வழங்கும் இம்முயற்சியின் முதற்கட்ட முகாம் சமீபத்தில் நிறைவடைந்த நிலையில், இதன் தொடர்ச்சியாக அடுத்த முகாம் வரும் ஆகஸ்ட் 12-ஆம் தேதி நடைபெற உள்ளது.

இந்த முகாம்கள் ஏரல் தாலுகாவிற்கு உட்பட்ட பழையகாயல், தூத்துக்குடி தாலுகாவில் உள்ள முள்ளகாடு மற்றும் விளாத்திகுளம் பகுதியில் அமைந்துள்ள மேல்மந்தை ஆகிய இடங்களில் செயல்பட உள்ளன. விளிம்புநிலை மக்களுக்காக அரசு முன்னெடுக்கும் இத்தகைய சிறப்பு முகாம்களை சம்பந்தப்பட்ட தொழிலாளர்கள் தவறாமல் பயன்படுத்தி, தங்களுக்குத் தேவையான சான்றிதழ்களையும் அரசு நலத்திட்ட உதவிகளையும் தடையின்றிப் பெற்றுப் பயனடையுமாறு தூத்துக்குடி மாவட்ட ஆட்சியர் விஷு மகாஜன் கேட்டுக்கொண்டுள்ளார்.