வீடு தேடி வரும் ரேஷன் பொருட்கள்… எப்படி விண்ணப்பிப்பது?… தமிழக அரசு முக்கிய அறிவிப்பு…!

தமிழ்நாடு, ரேஷன் பொருட்கள் வீடு தேடி வரும். இத்திட்டத்திற்காக மூத்த குடிமக்கள் விண்ணப்பிக்க வேண்டுமா என்பதை இந்தப்பதிவில் பார்க்கலாம். கடந்த ஆகஸ்ட் 12ஆம் தேதி தமிழ்நாடு முதலமைச்சர் மு.க.ஸ்டாலின் வயதானவர்களுக்கும், மாற்றுத்திறனாளிகளுக்கும் மற்றும் நோயாளிகளுக்கும் ரேஷன் பொருட்கள் வீடு தேடி வரும் என்றத் திட்டத்தை தொடங்கி வைத்துள்ளார். தமிழ்நாட்டில் உள்ள அனைத்து மாவட்ட அமைச்சர்கள் முன்னிலையில் மாவட்ட ஆட்சியர் இல்லம் தேடி சென்று ரேஷன் பொருட்களை வழங்கும் திட்டத்தை தொடங்கி வைத்துள்ளனர்.

பொதுமக்கள் அனைவரும் இத்திட்டத்தை வரவேற்று மகிழ்ச்சியுடன் உள்ளனர். மாதந்தோறும் இரண்டாவது சனி மற்றும் ஞாயிறு கிழமைகளில் இத்திட்டத்தை செயல்படுத்த உள்ளனர். வீட்டிற்கு ரேஷன் பொருட்கள் தேடி வரும்போது வீட்டில் யாரும் இல்லை என்றால் வேலைநாட்களில் நியாய விலைக்கடைகளுக்கு சென்று பொருளைப் பெற்றுக் கொள்ளலாம். இத்திட்டம் ஒழுங்காக நடக்கிறதா என்று கண்காணிக்க மாவட்டம், வட்டம் மற்றும் மண்டல அளவில் அதிகாரிகள் நியமிக்கப்பட்டுள்ளனர்.

திட்டத்திற்கு விண்ணப்பிக்க வேண்டுமா என்ற சந்தேகம் அனைவருக்கும் இருக்கும். திட்டத்திற்கு விண்ணப்பிக்க தேவதை இல்லை. அரசு ஊழியர்களே  நேரடியாக வீட்டு வீட்டுக்கு வந்துத்  தேர்வு செய்கின்றனர். எனவே, மக்கள் யாரும் திட்டத்திற்கு விண்ணப்பிக்க தேவையில்லை நியாய விலைக்கடை ஊழியர்களே  நேரடியாக வந்து ஆய்வுச்  செய்து தேர்வுச் செய்கின்றனர். ரேஷன் கார்டு வைத்திருக்கும் எல்லோர் வீடுகளுக்கும் விநியோகம் செய்யப்படாது.