தனிப்பட்ட வாட்ஸ் அப் குரூப்பில் “இப்படி” பேசினால் கடும் நடவடிக்கை.. தயாரிப்பாளர் சங்கம் எச்சரிக்கை..!!

தமிழ் திரைப்பட தயாரிப்பாளர்கள் சங்கத்திற்கு என்று ஒரு whatsapp குரூப் இருக்கிறது. இதே போல சில தயாரிப்பாளர்கள் தனியாக whatsapp குரூப் தொடங்கி நடத்தி வருகின்றனர். இந்நிலையில் தயாரிப்பாளர் சங்க உறுப்பினர்கள் பற்றியும், சங்கத்தின் செயல்பாடுகள் குறித்தும் கடுமையாக அந்த தனிப்பட்ட குரூப்களில் விமர்சித்து வருகின்றனர்.

அதில் உறுப்பினர்கள் மற்ற உறுப்பினர்கள் பற்றி தனிப்பட்ட முறையில் விமர்சித்து வருகின்றனர். இது தொடர்பாக தயாரிப்பாளர் சங்கம் வெளியிட்ட அறிக்கையில், சங்கத்தின் செயற்குழுவில் நிறைவேற்றப்பட்ட தீர்மானத்தின்படி தங்கத்தின் நிர்வாகிகள், செயற்குழு உறுப்பினர்கள், நிரந்தர உறுப்பினர்கள் பற்றி சோசியல் மீடியாவில் ஆதாரம் இன்றி அவதூறு பரப்புகிறார்கள்.

எனவே சம்பந்தப்பட்டவர்கள் மீது ஒழுங்கு நடவடிக்கை எடுக்கப்படும் என்பதை தெரிவித்துக் கொள்கிறோம். இதுபோன்ற அவதூறு கருத்துக்களை whatsapp அட்மின்கள் உடனடியாக நீக்கவில்லை என்றால் கடுமையான நடவடிக்கை எடுக்கப்படும். மேலும் அவதூறு பரப்பும் உறுப்பினர்களோடு மற்ற உறுப்பினர்கள் எந்த தொடர்பும் வைத்துக் கொள்ள வேண்டாம் என்று கேட்டுக்கொள்கிறோம் என அறிக்கையில் கூறப்பட்டுள்ளது.