நிலம் வாங்க ரூ.5 லட்சம் உதவித்தொகை வழங்கும் தமிழக அரசு.. யாரெல்லாம் பயன் பெறலாம், எப்படி விண்ணப்பிப்பது..?

தமிழக அரசு ஆதிதிராவிடர் மற்றும் பழங்குடியின மக்கள் பயனடையும் விதமாக தாட்கோ மூலம் பல்வேறு திட்டங்களை செயல்படுத்தி வருகின்றது. இவற்றில் மக்கள் மத்தியில் நல்ல வரவேற்பை பெற்ற திட்டமாக “நன்னிலம் மகளிர் நில உரிமை திட்டம் உள்ளது. நிலம் இல்லாத ஆதிதிராவிடர் மற்றும் பழங்குடியின விவசாயிகளை நிலமுடையவர்களாக மாற்றுவது தான் இந்த திட்டத்தின் முக்கிய நோக்கமாகும். இந்த திட்டத்தின் மூலம் பயனாளிகள் விவசாய நிலம் வாங்குவதற்கு மானியம் மற்றும் கடன் வசதி பெறுகிறார்கள்.

இந்த திட்டம் முழுக்க முழுக்க பெண்களுக்காக செயல்படுத்தப்படும் திட்டம். இந்த திட்டத்தின் கீழ் விவசாய நிலம் வாங்குவதற்கு நிலத்தின் சந்தை மதிப்பில் 50 சதவீதம் மானியம் அல்லது அதிகபட்சம் 5 லட்சம் ரூபாய் மானியம் வழங்கப்படும். மேலும் நிலம் வாங்குவதற்கு இந்தியன் ஓவர்சீஸ் வங்கியில் குறைந்த வட்டியில் கடன் வசதி செய்து தரப்படும். இந்த திட்டத்தின் தொகையில் 50 சதவீதம் அல்லது அதிகபட்சமாக 5 லட்சம் ரூபாய் வரை மானியம் வழங்கப்படும். நிலம் விற்பனை செய்பவர் ஆதிதிராவிடர் மற்றும் பழங்குடியினர் அல்லாத பிற இனத்தை சேர்ந்தவராக இருக்க வேண்டும்.

விண்ணப்பதாரர் 18 முதல் 55 வயதிற்கு உட்பட்டவராக இருக்க வேண்டும். குடும்ப ஆண்டு வருமானம் 3 லட்சத்திற்கு மிகாமல் இருக்க வேண்டும். என்ன பாத்தாரு எந்த விவசாய நிலத்தையும் சொந்தமாக வைத்திருக்கக் கூடாது. விண்ணப்பதாரரின் தொழில் விவசாயமாக இருக்க வேண்டும். விருப்பப்பட்ட திட்டத்திற்கு விண்ணப்பிக்க விரும்பும் நபர்கள் www.tahdco.com என்ற இணையதளம் மூலம் விண்ணப்பிக்கலாம் என்று தெரிவிக்கப்பட்டுள்ளது.