“ஜோ” அப்படி நடிப்பது எனக்கு பிடிக்கல…. கடைசியில அவங்க பிடிவாதத்தால் நடந்தது…. உண்மையை சொன்ன சூர்யா…!!!

சிறுத்தை சிவா இயக்கத்தில் ஞானவேல் ராஜா தயாரிப்பில் உருவான திரைப்படம் கங்குவா. இந்த திரைப்படம் நவம்பர் மாதம் 14ஆம் தேதி திரையில் வெளியாகிறது. படத்தின் ப்ரோமோஷன் வேலைகள் விறுவிறுப்பாக போய்க்கொண்டிருக்கிறது. அந்தவகையில் ப்ரோமோஷன் நிகழ்ச்சிகளில் கலந்து கொண்டுள்ள சூர்யா படம் குறித்து பல விஷயங்களை பகிர்ந்து உள்ளார். மேலும் இந்த படம் தவிர மற்ற படங்கள் குறித்தும் பேசி வருகிறார்.

அந்த வகையில் கஜினி படத்தில் இரண்டாம் பாகம் எடுப்பது குறித்தும் சூர்யா பேசியிருந்தார். அதனை தொடர்ந்து சில்லுனு ஒரு காதல் படத்தில் தான் நடிக்க ஒப்புக்கொண்டது குறித்து சூர்யா பேசியுள்ளார். அதாவது இயக்குனர் கிருஷ்ணா இயக்கத்தில் ஏ.ஆர் ரகுமானின் இசையில் கடந்த 2006 ஆம் வருடம் வெளியான திரைப்படம் சில்லுனு ஒரு காதல்.

இந்த படத்தில் சூர்யா, ஜோதிகா, பூமிகா ஆகியோர் நடித்திருந்தார்கள். இது ஒருரொமான்ஸ் கலந்த காதல் படம். இந்த படம் வெளியான சமயத்தில்  எதிர்பார்த்த அளவிற்க்கு வரவேற்பு தராவிட்டாலும் தற்போது ரசிகர்களால் கொண்டாடப்பட்டு வருகிறது. இந்நிலையில் இதுகுறித்து பேசிய சூர்யா , சில்லுனு ஒரு காதல் படத்தில் நடிக்கலாமா? வேண்டாமா? என்றுதான் யோசித்துக் கொண்டிருந்தேன்.

அப்பொழுதுதான் ஜோதிகா இந்த படத்தில் நான் கண்டிப்பாக நடிப்பேன் என்று கூறிவிட்டார். இதனால் ஜோதிகா வேறொரு நடிகரோடு நடிப்பதில் எனக்கு விருப்பமில்லை. எனவே தான் சில்லுனு ஒரு காதல் படத்தில் நான் நடிக்க சம்மதித்தேன் என்று நகைச்சுவையாக பேசியுள்ளார். சில்லுனு ஒரு காதல் படத்திற்கு பிறகு தான் சூர்யா மற்றும் ஜோதிகாவுக்கு திருமணம் நடந்தது. அதன் பிறகு பல வருடங்களாக எந்த படத்திலுமே நடிக்காமல் இருந்த ஜோதிகா 36 வயதினிலே படத்தின் மூலமாக மீண்டும் ரீ என்ட்ரி கொடுத்து அதனை தொடர்ந்து பல படங்களில் நடித்து வருகிறார்.