“ஆசிரியர் என்னை அவமானப்படுத்திட்டாங்க….” மாவட்ட அளவில் 2-ஆம் இடம் பிடித்த மாணவர் தற்கொலை… சிக்கிய 3 பக்க கடிதம்…. கதறும் குடும்பத்தினர்…!!

தெலங்கானா மாநிலம் கட்வால் பகுதிக்குட்பட்ட கொத்தப்பள்ளியைச் சேர்ந்த விவசாயத் தம்பதியின் மகனான தருண் (17), அரசு ஜூனியர் கல்லூரியில் இரண்டாம் ஆண்டு பிஐபிசி படித்து வந்தார். முதலாமாண்டு பொதுத்தேர்வில் 440 மதிப்பெண்களுக்கு 434 மதிப்பெண்கள் பெற்று மாவட்ட அளவில் இரண்டாமிடம் பிடித்த இவரை, கல்லூரியின் பெண் ஆசிரியை ஒருவர் வேறொரு மாணவரின் மதிப்பெண்ணுடன் ஒப்பிட்டு ஏளனமாகப் பேசியுள்ளார். இதனை அம்மாணவன் தட்டிக்கேட்டதால் ஆத்திரமடைந்த ஆசிரியை, “நீ என்ன அமைச்சரின் மகனா?” எனக் கூறி வகுப்பறையில் அனைவர் முன்னிலையிலும் அடித்து அவமானப்படுத்தியுள்ளார்.

இந்த அவமானத்தை தாங்க முடியாமல் மன உளைச்சலில் தவித்த தருண், தன் மீதான குற்றமற்ற நிலையை விளக்கி 3 பக்கத் தற்கொலை கடிதம் எழுதி வைத்துவிட்டு, தனது வீட்டில் தூக்கிட்டுத் தற்கொலை செய்துகொண்டார். குரு பூர்ணிமா நன்னாளில் மாணவனின் உயிரைப் பறிக்கும் வகையில் நடந்துகொண்ட அந்த பேராசிரியை மீது அரசு உடனடியாகக் கடுமையான நடவடிக்கை எடுக்க வேண்டும் என்றும், ஆசிரியர்களுக்கு உரியப் பயிற்சி அளிக்க வேண்டும் என்றும் பொதுமக்கள் மற்றும் நெட்டிசன்கள் பெரும் கொந்தளிப்புடன் கோரிக்கை விடுத்து வருகின்றனர்.