“இனிமேல் உன்னுடன் பேச மாட்டேன்….” மாணவி சொன்ன வார்த்தை…! அடுத்தடுத்து உயிரை விட்ட காதலர்கள்…. கதறும் குடும்பத்தினர்….!!

காஞ்சிபுரம் மாவட்டம் கச்சிப்பட்டு பகுதியைச் சேர்ந்தவர் பூபதி (21). இவர் அதே பகுதியைச் சேர்ந்த 12 ஆம் வகுப்பு மாணவியை காதலித்து வந்துள்ளார். சம்பவம் நடந்த அன்று பூபதிக்கும் மாணவிக்கும் இடையே வாக்குவாதம் ஏற்பட்டுள்ளது. ஒரு கட்டத்தில் மாணவி எனக்கு நீ தேவையில்லை. நான் உன்னை பார்க்க மாட்டேன். இனிமேல் உன்னோடு பேச மாட்டேன். காதலிக்க மாட்டேன் என கூறியுள்ளார். இதனால் மன உளைச்சலில் இருந்த பூபதி கடந்த வாரம் தனது வீட்டில் தூக்கிட்டு தற்கொலை செய்து கொண்டார்.

இதனை அறிந்த மாணவி பூபதியின் இறப்பிற்கு தான் தான் காரணம் என நினைத்து யாரிடமும் பேசாமல் மன உளைச்சலில் இருந்துள்ளார். நேற்று இரவு மாணவி தனது அறையில் தூக்கிட்டு தற்கொலை செய்து கொண்டார். காலை கண்விழித்து பார்த்த பெற்றோர் தங்களது மகள் தூக்கில் சடலமாக தொங்குவதைக் கண்டு கதறி அழுதனர். இதுகுறித்து அறிந்த போலீசார் சம்பவ இடத்திற்கு சென்று மாணவியின் உடலை மீட்டு அரசு மருத்துவமனைக்கு பிரேத பரிசோதனைக்காக அனுப்பி வைத்தனர். இதுகுறித்து வழக்குபதிவு செய்த போலீசார் விசாரணை நடத்தி வருகின்றனர்.