பார்த்தாலே நடுங்குது..! ரத்த வெள்ளத்தில் கிடந்த தாய்…! போதையில் வெட்டி கொன்ற மகன்…. நெஞ்சை ரணமாக்கும் பகீர் வீடியோ…!!

தருமபுரி அருகே கஞ்சா போதையில் இருந்த 19 வயது இளைஞர் ஒருவர், தனது பெற்ற தாயைக் கத்தியால் சரமாரியாகக் குத்திக் கொடூரமாகக் கொலை செய்த சம்பவம் அப்பகுதியில் பெரும் அதிர்ச்சியையும் சோகத்தையும் ஏற்படுத்தியுள்ளது.

தருமபுரி அருகே தேவராஜ் (19) என்ற இளைஞர் கஞ்சா போதையில் தனது தாயுடன் தகராறில் ஈடுபட்டு, ஆத்திரத்தில் அவரைக் கத்தியால் கொடூரமாகக் குத்தியுள்ளார். தாயின் அலறல் சத்தம் கேட்டு ஓடிவந்த அக்கம் பக்கத்தினர் அளித்த தகவலின் பேரில் சம்பவ இடத்திற்கு விரைந்த காவல்துறையினர், பிரேதத்தைக் கைப்பற்றிப் பிரேதப் பரிசோதனைக்கு அனுப்பி வைத்ததுடன் தேவராஜைக் கைது செய்தனர்.

கைதான தேவராஜ் சில மாதங்களுக்கு முன்பு காவல்துறையினரைக் கத்தியைக் காட்டி மிரட்டிய வழக்கில் சிறை சென்று, சில தினங்களுக்கு முன்பே ஜாமீனில் வெளியே வந்தவர் என்பது விசாரணையில் தெரியவந்துள்ளது. கஞ்சா போதையால் பெத்த தாயையே மகனே கொடூரமாகக் கொலை செய்த சம்பவம் அப்பகுதியில் கடும் கொந்தளிப்பை ஏற்படுத்தியுள்ளது.