அட்ரா சக்கை… 50 லட்சம் ரூபாய் லாபமா? கோர்ட் கேஸ்ன்னு போனது வீணாகப் போகலையே? – இசையமைப்பாளருக்கு கொண்டாட்டம்தான்!

சமீபத்தில் நடிகர் பிரதீப் ரங்கநாதன் நடித்த டியூட் படம் வெளியானது. இந்த படத்துக்கு கலவையான விமர்சனங்கள் கிடைத்தாலும் படம் நல்ல லாபத்தை தான் கொடுத்திருக்கிறது. டியூட் படத்தில் இசையமைப்பாளர் இளையராஜா இசையில் புது நெல்லு புது நாத்து படத்தில் இடம்பெற்ற கருத்த மச்சான் என்ற பாடலும், பணக்காரன் படத்தில் இடம்பெற்ற நூறு வருஷம் இந்த மாப்பிள்ளையும் பொண்ணும்தான் என்ற பாடலும் சேர்க்கப்பட்டு இருந்தது. தனது அனுமதியின்றி தனது இசையில் உருவான பாடல்களை டியூட் படத்தில் இருந்து நீக்க வேண்டும் என்று இளையராஜா தரப்பில் கோர்ட்டில் வழக்கு தொடர்ந்தனர்.

சென்னை ஐ கோர்ட்டில் நேற்று நடந்த இந்த வழக்கின் விசாரணையில் சுமூகத் தீர்வு ஏற்பட்டு வழக்கு முடித்து வைக்கப்பட்டுள்ளது. டியூட் படத்தில் இளையராஜா இசையமைத்த 2 பாடல்களை பயன்படுத்தியதற்காக, படத்தின் தயாரிப்பு நிறுவனம் மைத்ரி மூவி மேக்கர்ஸ் இளையராஜாவுக்கு ரூ. 50 லட்சம் இழப்பீடு வழங்கியதாக கூறப்படுகிறது. அடேங்கப்பா 2 பாடலுக்கு 50 லட்சமா என ரசிகர்கள் வாய்பிளந்த நிலையில், அந்த காலத்தில் இசையமைத்த அந்த ஒரிஜினல் பாடல்களுக்கே இளையராஜாவுக்கு இந்த சம்பளம் அவர்கள் தந்திருக்க மாட்டார்கள் என்றும் ரசிகர்கள் புலம்புகின்றனர்.