“வார்த்தைகளே வரல… இன்னும் அந்த விஷயம் அவர்கிட்ட மாறல” முதல்வர் விஜய்யை நேரில் சந்தித்த நடிகை சினேகா… வெளியிட்ட உருக்கமான போஸ்ட்..!!

திரைத்துறையில் இருந்து அரசியல் களம் புகுந்து ‘தமிழக வெற்றி கழகம்’ என்ற கட்சியைத் தொடங்கிய விஜய், அண்மையில் நடந்த சட்டமன்றத் தேர்தலில் வெற்றி பெற்று தமிழகத்தின் புதிய முதல்வராகப் பொறுப்பேற்றுக்கொண்டார். அவர் பதவி ஏற்றது முதல் பல்வேறு திரைப்பிரபலங்கள் அவரை நேரில் சந்தித்து வாழ்த்துகளைத் தெரிவித்து வருகின்றனர். அந்த வகையில், சினிமாவில் விஜய்யுடன் இணைந்து ‘வசீகரா’ மற்றும் ‘கோட்’ (GOAT) ஆகிய திரைப்படங்களில் நடித்த நடிகை சினேகா, தற்போது முதல்வராக இருக்கும் விஜய்யை நேரில் சந்தித்துள்ளார்.

சென்னை பசுமை வழிச்சாலையில் உள்ள முதல்வரின் இல்லத்தில் நடைபெற்ற இந்தச் சந்திப்பின் போது, நடிகை சினேகாவுடன் அவரது கணவரும் நடிகருமான பிரசன்னா மற்றும் அவர்களது குழந்தைகளும் உடனிருந்தனர். முதல்வர் விஜய்க்கு சினேகா மற்றும் பிரசன்னா தம்பதியினர் தங்களது மனமார்ந்த வாழ்த்துகளைத் தெரிவித்தனர். இந்தச் சந்திப்பின் போது எடுக்கப்பட்ட புகைப்படங்கள் தற்போது இணையத்தில் வெளியாகி ரசிகர்களிடையே பெரும் வரவேற்பைப் பெற்று வருகின்றன.

https://www.instagram.com/p/DZXUv5qmSDY/?utm_source=ig_web_copy_link

இந்த நெகிழ்ச்சியான சந்திப்பு குறித்து நடிகை சினேகா தனது இன்ஸ்டாகிராம் பக்கத்தில் உருக்கமான பதிவு ஒன்றை வெளியிட்டுள்ளார். அதில், “விஜய் சாருடன் இரண்டு படங்களில் பணியாற்றியுள்ளேன்; இன்று அவரைத் தமிழகத்தின் முதல்வராகப் பார்ப்பது மிகவும் நெகிழ்ச்சியாக இருக்கிறது. சில தருணங்கள் நம்மை வார்த்தைகளின்றி மௌனமாக்கிவிடும். இவ்வளவு பெரிய உயரத்தை எட்டிய பின்பும், அவர் எனக்குத் தெரிந்த அதே எளிமையான, அன்பான மனிதராகவே இருக்கிறார்” என்று நெகிழ்ச்சியுடன் குறிப்பிட்டு, அவருக்குத் தனது வாழ்த்துகளையும் தெரிவித்துள்ளார்.