“கிரிக்கெட்டை தவிர வேறு எதையும் காதலிக்கவில்லை” இனி விளையாட்டில் முழு கவனம் செலுத்துவேன்… மீண்டும் சிங்கபெண்ணாக எழுந்த ஸ்மிருதி மந்தனா…!!

இந்தியாவின் முன்னணி பெண் கிரிக்கெட் வீராங்கனைகளில் ஒருவரான ஸ்மிருதி மந்தனா, தனது தனிப்பட்ட வாழ்க்கையில் ஏற்பட்ட சவாலான தருணங்களுக்குப் பிறகு, நேர்மை மற்றும் சமநிலையுடன் மீண்டும் தனது கிரிக்கெட் வாழ்க்கையில் கவனம் செலுத்தத் தொடங்கியுள்ளார். இசையமைப்பாளர் பலாஷ் முச்சலுடனான தனது உறவை முறித்துக் கொண்ட நிலையில், தனது எதிர்கால இலக்குகள் மற்றும் முன்னுரிமைகள் குறித்து அவர் மனம் திறந்து பேசியுள்ளார். திருமணம் ரத்து செய்யப்பட்ட பிறகு, அமேசான் ஏற்பாடு செய்திருந்த மாநாடு ஒன்றில் மந்தனா முதன்முறையாகப்  பங்கேற்றார். அப்போது, தனது உணர்ச்சிகள் மற்றும் எதிர்கால உறுதிமொழிகள் பற்றிப் பேசுவதற்கு அவர் தயங்கவில்லை. அவரது தெளிவான வார்த்தைகள் அனைவரின் கவனத்தையும் ஈர்த்தன.