அங்க சுத்தி இங்க சுத்தி கடைசில அஜித்துடன் மோதிப் பார்க்கும் சிவகார்த்திகேயன்.. AK-வை வீழ்த்துவாரா SK..!

சிவகார்த்திகேயனின் அமரன் திரைப்படம் அஜித்தின் விடாமுயற்சி திரைப்படத்துடன் மோத இருப்பதாக தகவல் வெளியாகி இருக்கின்றது.

தமிழ் சினிமாவில் மிகப் பெரிய நட்சத்திரமாக வலம் வருபவர் நடிகர் அஜித். இவர் தற்போது விடாமுயற்சி என்ற திரைப்படத்தில் நடித்து வருகின்றார். இப்படத்தின் அசர்பைஜான் ஷூட்டிங் முடிவடைந்தது மீதமுள்ள படப்பிடிப்பு ஹைதராபாத் ராமஜிராவ் ஸ்டுடியோவில் எடுக்கப்படும் என்று கூறப்படுகின்றது.

விரைவில் இப்படத்தின் படப்பிடிப்பு முடிந்து ரிலீஸ் ஆகும் என்று படக்குழுவினர் தெரிவித்து இருக்கிறார்கள். இந்த திரைப்படத்தை மகிழ்திருமேனி இயக்கியிருக்கின்றார். இப்படத்தில் அஜித்-க்கு ஜோடியாக த்ரிஷா நடித்திருக்கின்றார். மேலும் லைக்கா நிறுவனம் இப்படத்தை தயாரித்திருக்கின்றது.

இந்த திரைப்படம் வருகிற அக்டோபர் 31ஆம் தேதி திரையரங்குகளில் வெளியாக உள்ளதாக ஒரு தகவல் வெளியாகி வருகின்றது. இதற்கிடையில் சிவகார்த்திகேயன் நடிப்பில் உருவாகி இருக்கும் திரைப்படம் அமரன். ராஜ்குமார் பெரியசாமி இயக்கத்தில் சிவகார்த்திகேயன், சாய் பல்லவி உள்ளிட்டோர் நடிப்பில் உருவாகி இருக்கும் திரைப்படம் அமரன்.

இந்த திரைப்பட முழுக்க முழுக்க ராணுவ கதையை மையமாக வைத்து எடுக்கப்பட்டுள்ளது. மறைந்த மேஜர் முகுந்த் வரதராஜனின் வாழ்க்கை கதையை பேசும் திரைப்படமாக உருவாகி இருக்கின்றது. இப்படம் வருகிற அக்டோபர் 31ஆம் தேதி தீபாவளிக்கு வெளியாகும் என்று கூறி வந்தார்கள். இதற்கு இடையில் சிவகார்த்திகேயனின் அமரன் திரைப்படமும் அஜித்தின் விடாமுயற்சி திரைப்படமும் ஒரே நேரத்தில் வெளியாக இருப்பது ரசிகர்களிடையே மிகப்பெரிய ஆச்சர்யத்தை ஏற்படுத்தி இருக்கின்றது.