திருட்டு பழியிலிருந்து தப்பிப்பாரா ஆனந்தி..? பரபரப்பான எபிசோடுடன் இன்றைய சிங்க பெண்ணே சீரியல் ப்ரோமோ..!!

சன் டிவியில் ஒளிபரப்பாகும் சீரியல்களை பார்க்க மிகப் பெரிய ரசிகர் பட்டாளமே உள்ளது. கடந்த ஆண்டு அக்டோபர் மாதம் முதல் சன் டிவியில் சிங்க பெண்ணே சீரியல் ஒளிபரப்பாகிறது. இந்த சீரியலை தனுஷ் கிருஷ்ணா இயக்குகிறார். தினமும் விறுவிறுப்பான கதைக்களத்தோடு சீரியல் வெற்றிகரமாக ஓடிக்கொண்டிருக்கிறது.

தற்போது செவரக்கோட்டையில் நடைபெறும் திருவிழாவிற்காக அன்பு, ஆனந்தி, மகேஷ், மித்ரா உள்ளிட்டோர் வந்தனர். ஆனந்தி ஊருக்கு வந்த உடனே சுயம்புலிங்கம் அவரை வம்புக்கு இழுத்தார். திருவிழா ஆரம்பித்ததில் இருந்து தொடர்ந்து ஆனந்திக்கு பிரச்சனைகளை ஏற்படுத்தி வருகின்றனர். கயிறு இழுக்கும் போட்டியில் சுயம்புலிங்கம் வம்புக்கு இழுத்ததால் அன்பும் மகேஷும் போட்டியில் பங்கேற்று வெற்றி பெறுகின்றனர்.

ஆனந்தி தீ மிதிக்கும் போது சுயம்புலிங்கம் சதி செய்து பேனரை கீழே உள்ள செய்கிறார். அப்போது அதிர்ஷ்டவசமாக அன்புவும், மகேஷும் பேனரை பிடித்துக் கொண்டதால் ஆனந்தி அதிலிருந்து தப்பித்து விடுகிறார். அண்ணனை பார்ப்பதற்காக யாரும் இல்லாத நேரத்தில் கோவிலுக்கு சென்ற ஆனந்தி மீது திருட்டு பழி விழுகிறது. ஊரில் உள்ள அனைவரும் ஆனந்தி தான் குற்றவாளி என நினைக்கின்றனர். இன்றைய ப்ரோமோ வெளியானது.

அதில் ஆனந்தி கோவிலுக்கு திருட வந்தவர்கள் யார் என்பது தனக்கு தெரியும் எனக் கூறுகிறார். மேலும் தனது அண்ணன் வேலுவை பார்க்க தான் கோவிலுக்கு சென்றதாக உண்மையை அனைவர் முன்பு கூறுகிறார். அதன் பிறகு ஆனந்தி அன்பு மகேஷ் ஆகியோர் போலீசிடம் கோவில் நகையை திருடியவர்கள் பற்றி கூறுகின்றனர். இதற்கு இடையே மித்ரா சுயம்புலிங்கத்தை செல்போன் மூலம் தொடர்பு கொண்டு பேசுகிறார். ஆனந்தி திருட்டுப் பழியில் இருந்து தப்பிப்பாரா என்பதை பொறுத்திருந்துதான் பார்க்க வேண்டும்.