அரசியல் வரலாற்றிலேயே முதல்முறை.. கோட்-சூட்டை கழட்டிவிட்டு பட்டு வேட்டி சட்டையில் மாஸ் காட்டிய முதல்வர் விஜய்.. ஷாக்கான அரசியல் விமர்சகர்கள்..!!

2026-ஆம் ஆண்டு நடைபெற்ற தமிழ்நாடு சட்டசபை தேர்தல் முடிவுகளை ஒட்டுமொத்த நாடே மிகுந்த எதிர்பார்ப்புடன் எதிர்நோக்கியிருந்தது. இதற்கு முக்கியக் காரணம், தமிழ் சினிமாவின் உச்ச நட்சத்திரமாகத் திகழ்ந்து, பின்னர் அரசியலில் தடம் பதித்த தமிழக வெற்றிக் கழகத்தின் தலைவர் விஜய் ஆவார். அவர் சந்தித்த முதல் தேர்தலிலேயே மக்கள் தங்களின் மிகப்பெரிய ஆதரவை அள்ளி வழங்கினர். தேர்தல் ஆணையத்தின் விழிப்புணர்வு பிரச்சாரங்களையும் தாண்டி, விஜய்க்காகப் பொதுமக்கள் அலைஅலையாய் திரண்டு வந்து தங்களது வாக்குகளைப் பதிவு செய்தனர். குறிப்பாக, தேர்தல் பிரச்சாரத்தின் போது விஜய் அணிந்திருந்த ஆடை வடிவமைப்பை (Dress Code) அவரது ஆதரவாளர்களும் பொதுமக்களும் பின்பற்றித் தங்களது ஆதரவை வெளிப்படுத்தினர்.

இத்தேர்தலில் தனிப்பெரும்பான்மை பெற்ற தமிழக வெற்றிக் கழகம், கூட்டணி கட்சிகளின் ஆதரவோடு ஆட்சிக்கட்டிலில் அமர்ந்தது. அதனைத் தொடர்ந்து அக்கட்சியின் தலைவர் விஜய் தமிழ்நாட்டின் முதலமைச்சராகப் பொறுப்பேற்றுக் கொண்டார். பிரச்சாரக் களத்தில் அவர் உடுத்திய ஆடைகள் பெரும் பேசுபொருளானதைத் தொடர்ந்து, பதவியேற்பு விழாவில் அவர் எந்த மாதிரியான உடையை அணிவார் என்ற எதிர்பார்ப்பு அனைவரிடமும் இருந்தது. அதற்கு விடையளிக்கும் விதமாக, தமிழக அரசியல் வரலாற்றிலேயே எந்தவொரு முதலமைச்சரும் இதுவரை செய்யாத புதுமையாக, கம்பீரமான ‘கோட்-சூட்’ அணிந்து அவர் முதலமைச்சராகப் பதவியேற்றார். அதே பாணியைத் தொடர்ந்து, நாள்தோறும் காலை 9 மணிக்கே கோட்-சூட் உடையுடன் தலைமைச் செயலகத்திற்கு வந்து மக்கள் பணிகளை மேற்கொண்டு வருகிறார்.

முதலமைச்சர் விஜய்யின் ஆடை வடிவமைப்பு முதல் கோப்பு நடவடிக்கைகள் வரை ஒவ்வொரு செயல்பாடும் அரசியல் விமர்சகர்களால் உற்றுநோக்கப்பட்டு வரும் நிலையில், இன்று தலைமைச் செயலகத்திற்கு அவர் முற்றிலும் மாறுபட்ட உடையில் வந்து ஆச்சரியப்படுத்தியுள்ளார். எப்போதும் கோட்-சூட் உடையில் வலம் வரும் அவர், இன்று பாரம்பரியமிக்க பட்டு வேட்டி-சட்டையில் தலைமைச் செயலகத்திற்கு வந்து தனது பணிகளை கவனித்துள்ளார். தனது முகாம் அலுவலகத்திற்கு அருகில் நடைபெற்ற புதுமனை புகுவிழா ஒன்றில் கலந்து கொண்டதைத் தொடர்ந்து, அவர் அதே பாரம்பரிய உடையில் தலைமைச் செயலகத்திற்கு வந்துள்ளார். பட்டு வேட்டி-சட்டையில் முதலமைச்சர் விஜய் கம்பீரமாக நடந்து வரும் வீடியோக்களும், புகைப்படங்களும் தற்போது சமூக வலைத்தளங்களில் காட்டுத்தீயாய் பரவி ட்ரெண்டாகி வருகின்றன.