“சனியின் அஸ்தமனம்”… அடுத்த 40 நாட்கள் இந்த ராசிகளுக்கு ராஜயோகம் தான்…. உங்க ராசியும் இதுல இருக்கா…?

ஜோதிட சாஸ்திரப்படி, சனி பகவான் மிக முக்கியமான கிரகமாகக் கருதப்படுகிறார். இரண்டரை ஆண்டுகளுக்கு ஒருமுறை இடம்பெயரும் சனி பகவான், தற்போது கும்ப ராசியிலிருந்து மீன ராசிக்கு இடம்பெயர்ந்துள்ளார். இந்த நிலையில், வரும் மார்ச் 13-ம் தேதி மாலை 7:13 மணிக்கு, மீன ராசியில் சனி பகவான் அஸ்தமனமாகிறார். சுமார் 40 நாட்கள் அஸ்தமன நிலையில் இருக்கும் சனி பகவான், ஏப்ரல் 22-ம் தேதி மீண்டும் உதயமாவார். இந்த அஸ்தமனக் காலம் சில ராசிகளுக்கு நேர்மறையான மாற்றங்களையும், அதிர்ஷ்டத்தையும் அள்ளித் தரப்போகிறது.

இந்த 40 நாள் காலக்கட்டத்தில் மேஷ ராசியினருக்கு மிகுந்த பலன் கிடைக்கப் போகிறது. சனி பகவான் உங்கள் ராசியின் 12-வது வீட்டில் அஸ்தமனமாவதால், தேவையற்ற வீண் செலவுகள் குறையும். நிதி நிலைமையில் முன்னேற்றம் ஏற்படும். ஆரோக்கியம் சார்ந்த பிரச்சனைகள் நீங்கி உடல்நலம் சீராகும். வெளிநாடு செல்லும் வாய்ப்புகளும் கதவைத் தட்டும். எனினும், அலுவலகத்தில் சக பணியாளர்களுடன் தேவையற்ற வாக்குவாதங்களைத் தவிர்ப்பது நல்லது.

விருச்சிக ராசியினருக்கு இந்த அஸ்தமனம் ஒரு புதிய நம்பிக்கையைத் தருகிறது. உங்கள் ராசியின் 5-வது வீட்டில் சனி அஸ்தமனமாவதால், தடைபட்ட காரியங்கள் மீண்டும் வேகம் பெறும். தொழில் மற்றும் வேலை செய்யும் இடங்களில் பதவி உயர்வு மற்றும் புதிய பொறுப்புகள் கிடைக்க வாய்ப்புள்ளது. நீண்டகாலமாகக் கடனால் அவதிப்படுபவர்களுக்குக் கடன் சுமை குறையும். புதிய ஒப்பந்தங்கள் கிடைத்து தொழில் வளர்ச்சி அபரிமிதமாக இருக்கும்.

கும்ப ராசியினரைப் பொறுத்தவரை, சனி பகவான் உங்கள் ராசியின் 2-வது வீட்டில் அஸ்தமனமாவதால், புதிய தொழில் தொடங்கும் யோகம் பிறக்கும். சொத்து தொடர்பான வழக்குகளில் சாதகமான தீர்ப்புகள் கிடைக்க வாய்ப்புள்ளது. உடன்பிறந்தவர்களின் ஒத்துழைப்பு உங்களுக்குப் பக்கபலமாக இருக்கும். கடின உழைப்பிற்கு ஏற்ற அங்கீகாரமும், பாராட்டும் தேடி வரும். பொருளாதாரத் தடைகள் நீங்கி, புதிய வருமான வழிகள் உருவாகும்.