“18 வயது ஆனதும் கல்யாணம் பண்ணி வைக்கணும்…” ஆபாச படம் எடுத்த சிறுவன்… ஒரு வருடமாக 16 வயது சிறுமிக்கு பாலியல் கொடூரம்… பஞ்சாயத்து சர்ச்சை தீர்ப்பு… பகீர் சம்பவம்…!!

உத்தரப் பிரதேச மாநிலம் பரேலி மாவட்டம் ஷீஷ்கர் பகுதியைச் சேர்ந்த 16 வயது சிறுமியை, அதே கிராமத்தைச் சேர்ந்த சிறுவன் ஒருவன் ஆபாசமாகப் புகைப்படம் எடுத்து வைத்துக்கொண்டு, அதைச் சமூக வலைதளங்களில் லீக் செய்து விடுவதாக மிரட்டி சுமார் ஒரு வருட காலமாகத் தொடர்ந்து பாலியல் வன்கொடுமை செய்து வந்துள்ளான். அச்சத்தால் முடங்கிக் கிடந்த அந்தச் சிறுமியிடம் குடும்பத்தினர் விசாரித்த போதுதான் தனக்கு நேர்ந்த கொடூரத்தைச் சிறுமி கண்ணீருடன் கூறியுள்ளார்.

சிறுமியின் பெற்றோர் இது குறித்து நியாயம் கேட்கக் குற்றம் சாட்டப்பட்ட சிறுவனின் வீட்டிற்குச் சென்றபோது, அவர்களுக்குக் கொலை மிரட்டல் விடுக்கப்பட்டுள்ளது. இதனால் ஆத்திரமடைந்த பெற்றோர் ஷீஷ்கர் காவல் நிலையத்தில் புகார் அளித்தனர். புகாரின் பேரில் போலிஸார் வழக்கப் பதிவு செய்து விசாரணையைத் தொடங்கிய நிலையில், இந்த விவகாரத்தை மறைப்பதற்காகக் கிராம பஞ்சாயத்துக் கூட்டப்பட்டுள்ளது. அதில், சட்டப்பூர்வ நடவடிக்கையைக் கைவிட்டு, பாதிக்கப்பட்ட சிறுமிக்கு 18 வயது நிறைவடைந்ததும், அவளைச் சீரழித்த சிறுவனுக்கே திருமணம் செய்து வைக்க வேண்டும் எனப் பஞ்சாயத்து பெரிய மனிதர்கள் கட்ட பஞ்சாயத்து செய்து நிச்சயதார்த்த சடங்குகளையும் நடத்தியுள்ளனர்.

போக்சோ சட்டத்தின் கீழ் வரும் கொடூரக் குற்றத்தைச் சமரசம் செய்து மூட முயன்ற பஞ்சாயத்தின் முடிவை அதிரடியாகத் நிராகரித்த போலிஸார், வழக்கை சட்டப்படி தீவிரப்படுத்தியுள்ளனர். பரேலி காவல்துறை அதிகாரி அருண் குமார் சிங் தலைமையில் போலிஸார் குற்றம் சாட்டப்பட்ட சிறுவனைக் காவலில் எடுத்து விசாரணையைத் தொடங்கியுள்ளனர். பாதிக்கப்பட்ட சிறுமியை மருத்துவப் பரிசோதனைக்கு அனுப்பி வைத்த போலிஸார், இந்த விவகாரத்தில் பஞ்சாயத்தின் சட்டவிரோதத் தலையீடு குறித்தும் தொடர்ந்து விசாரணை நடத்தி வருகின்றனர்.