“என்னை விட்ருங்க..” மயக்க மருந்து கொடுத்து பாலியல் வன்கொடுமை.. ஓராண்டாக IAF அதிகாரி மனைவியைக் கொடுமைப்படுத்திய அய்யாஸ் சிக்கியது எப்படி? வெளியான பகீர் வீடியோ..!!

மகாராஷ்டிர மாநிலம் நாக்பூரில், இந்திய விமானப்படை அதிகாரி ஒருவரின் 24 வயது மனைவிக்கு நேர்ந்த கொடூரம் தொடர்பான அதிர்ச்சியூட்டும் வீடியோ ஒன்று சமூக வலைத்தளங்களில் வெளியாகி பெரும் பரபரப்பை ஏற்படுத்தியுள்ளது. அந்த வீடியோவில், “என்னை விட்டுவிடுங்கள்” என்று அந்தப் பெண் கதறி அழுவதும், அவரது முன்னாள் வகுப்புத் தோழனான அய்யாஸ் தாஜ் மதாரே (26) என்பவர் அவரது கைகளை இறுக்கமாகப் பிடித்துக்கொண்டு, மதச் சூத்திரங்களை ஓதி கட்டாய மதமாற்றம் செய்ய முயல்வதும் பதிவாகியுள்ளது. இந்த வீடியோ தற்போது இந்த வழக்கின் முக்கிய ஆதாரமாகப் பார்க்கப்படுகிறது.

பாதிக்கப்பட்ட பெண் அளித்துள்ள புகாரின்படி, கடந்த 2025 பிப்ரவரி மாதம் சொத்து வாங்குவது சம்பந்தமாகப் பேசுவதற்காக அய்யாஸ் தன்னை ஒரு ஹோட்டலுக்கு அழைத்ததாகக் குறிப்பிட்டுள்ளார். அங்கு அவருக்குக் கொடுக்கப்பட்ட பழச்சாற்றில் மயக்க மருந்து கலந்து கொடுத்து, மயக்கமடைந்த பின் அவரை அய்யாஸ் பாலியல் வன்கொடுமை செய்துள்ளார். மேலும், அதனை ஆபாசமாக வீடியோ மற்றும் புகைப்படங்கள் எடுத்து வைத்துக்கொண்டு, சமூக வலைத்தளங்களில் வெளியிட்டு விடுவதாக மிரட்டி, கடந்த ஓராண்டாகப் பலமுறை பாலியல் சுரண்டல் செய்ததோடு, அவரிடமிருந்து ₹3.09 லட்சம் வரை பறித்துள்ளார்.

இந்தக் கொடூர சம்பவங்கள் குறித்து அந்தப் பெண் அண்மையில் தனது கணவரிடம் தெரிவித்து, நாக்பூர் காவல்துறையில் புகார் அளித்துள்ளார். புகாரின் அடிப்படையில் வழக்குப் பதிவு செய்துள்ள போலீஸார், முக்கியக் குற்றவாளியான அய்யாஸ் மற்றும் அவருக்கு உடந்தையாக இருந்த அமீன் ஷேக் (30) ஆகிய இருவரைக் கைது செய்துள்ளனர். மேலும், இந்த மதமாற்ற விவகாரத்தில் தொடர்புடையதாகக் கூறப்படும் மத்தியப் பிரதேசத்தைச் சேர்ந்த ஹஸ்ரத் மௌலானா என்ற மூன்றாவது நபரைத் தீவிரமாகத் தேடி வருகின்றனர்.