இவனெல்லாம் மனுஷனா..? “மாமா” என்று பழகி 6 வயது சிறுமி… சுடுகாட்டிற்கு அழைத்துச்சென்று அசிங்கம்… “அம்மா எனக்கு வலிக்குது” தாயிடம் கதறிய குழந்தை… பெரும் அதிர்ச்சி சம்பவம்..!!

திருவள்ளூர் மாவட்டம் பூந்தமல்லி அருகே 6 வயது சிறுமியைச் சுடுகாட்டிற்கு அழைத்துச் சென்று பாலியல் சீண்டலில் ஈடுபட்ட சரவணன் (40) என்ற ஓட்டுநரைப் போலீசார் போக்சோ சட்டத்தின் கீழ் அதிரடியாகக் கைது செய்துள்ளனர். பூந்தமல்லி அடுத்த காட்டுப்பாக்கம் கன்னிகாபுரம் பகுதியைச் சேர்ந்த இந்த நபர், அதே பகுதியில் வசித்து வரும் சிறுமியிடம் ‘மாமா’ என்று உரிமையோடு பழகி வந்துள்ளார்.

சம்பவத்தன்று வீட்டின் அருகே விளையாடிக் கொண்டிருந்த அச்சிறுமியைச் சரவணன் அருகில் இருந்த சுடுகாட்டிற்கு அழைத்துச் சென்று பாலியல் அத்துமீறலில் ஈடுபட்டுள்ளார். இதனால் செய்வதறியாது மிரண்டு போன சிறுமி, அங்கிருந்து அழுதபடியே ஓடிவந்து தனது பெற்றோரிடம் நடந்தவற்றைக் கூறி அழுதுள்ளார். இதனைக் கேட்டு அதிர்ச்சியடைந்த பெற்றோர், உடனடியாகப் பூந்தமல்லி அனைத்து மகளிர் காவல் நிலையத்தில் இதுகுறித்து புகார் அளித்தனர்.

இப்புகாரின் அடிப்படையில் குழந்தைகள் நல வாரிய அதிகாரிகள் மற்றும் போலீசார் நடத்திய தீவிர விசாரணையில், சிறுமியிடம் சரவணன் பாலியல் சீண்டலில் ஈடுபட்டது உறுதியானது. அதனையடுத்துப் பூந்தமல்லி அனைத்து மகளிர் போலீசார் போக்சோ பிரிவின் கீழ் வழக்குப் பதிவு செய்து, குற்றவாளி சரவணனைக் கைது செய்து சிறையில் அடைத்தனர். மாமா என்று பழகிய நபரே சிறுமிக்கு இழைத்த இந்த அநீதி அப்பகுதி மக்களிடையே பெரும் அதிர்ச்சியை ஏற்படுத்தியுள்ளது.