‘என் அன்பு இதுவரைக்கும் சரி.. இனிமேலும் சரி உங்க மேல மட்டும் தான்’… இறந்த கணவர் குறித்து மனம் உருகிய ஸ்ருதி…

சன் டிவியில் ஒளிபரப்பாகி ரசிகர்கள் மத்தியில் நல்ல வரவேற்பை பெற்ற நாதஸ்வரம் சீரியலில் ராகினி கதாபாத்திரத்தில் நடித்தவர் தான் நடிகை ஸ்ருதி சண்முகப்பிரியா. இவருக்கு கடந்த 2022 ஆம் ஆண்டு ஜனவரி மாதம் நிச்சயதார்த்தம் முடிந்த நிலையில் அதன் பிறகு ஒரு சில மாதங்களில் திருமணம் நடந்து முடிந்தது.

திருமணம் முடிந்த பிறகு ஸ்ருதி தன்னுடைய கணவரோடு எடுத்துக் கொண்ட பல புகைப்படங்கள் மற்றும் வீடியோக்களை பகிர்ந்து கொண்டார். இந்நிலையில் ஸ்ருதியின் கணவர் அரவிந்துக்கு கார்டியாக அரெஸ்ட் என்று சொல்லப்படும் இருதயம் முடக்கம் ஏற்பட்டு  உயிரிழந்தார்.

இந்தச் செய்தி சின்னத்திரை திரையுலகினர் மத்தியில் அதிர்ச்சியை ஏற்படுத்தியது. திருமணம் ஆகி ஒரு வருடம் கூட நிறைவடையாத நிலையில் ஸ்ருதியின் கணவர் மரணம் அடைந்துள்ளது அதிர்ச்சியை ஏற்படுத்தியது. அவருக்கு திரை பிரபலங்கள் மற்றும் ரசிகர்கள் பலரும் ஆறுதல் தெரிவித்து வந்தனர். இந்தநிலையில் நடிகை ஸ்ருதி தனது இன்ஸ்டாகிராம் பக்கத்தில் அவ்வப்பொழுது மறைந்த தனது கணவருடன் இருந்த அழகிய தருணங்களை பதிவு செய்து வருகிறார்.

அந்த வகையில் தற்பொழுது இவர் மறைந்த தனது கணவருடன் பாரிசிற்கு சுற்றுலா சென்றிறுந்த போது, அங்கு தனது கணவருடன் எடுத்துக் கொண்ட புகைப்படத்தை பகிர்ந்து, ‘உன்னுடைய சிறுவயது ஆசையை நிறைவேற்றி விட்டேன் தங்கமே. எல்லாமே உனக்காகத்தான். இதுக்கு மேல எதுவும் கேக்காத’ என அரவிந்த் கூறியதாக குறிப்பிட்டுள்ளார். மேலும் அவரின் நினைவுகளிலேயே என்றும் இருப்பதாகவும் குறிப்பிட்டுள்ளார். இதோ அந்த பதிவு…