அடுத்த டார்கெட் சீமான்… மொத்தமாக ஸ்கெட்ச் போட்டு தூக்கிய செங்கோட்டையன்… செம குஷியில் விஜய்…!

தமிழகத்தில் தேர்தல் களம் நொடிக்கு நொடி பரபரப்பாக இருக்கும் நிலையில் அனைத்துக் கட்சியினரும் தீவிரமாக தேர்தல் பணியில் ஈடுபட்டு வருகின்றனர். குறிப்பாக தமிழக வெற்றிக் கழகம் கட்சியின் பயணம் 2026 தேர்தல் களத்தை பரபரப்பாக மாற்றி உள்ளது. அதிமுகவில் தொடர்ந்து உட்கட்சி பிரச்சனை நிலவிவரும் நிலையில் சமீபத்தில் கட்சியிலிருந்து நீக்கப்பட்ட செங்கோட்டையன் விஜயின் தமிழக வெற்றி கழகம் கட்சியில் இணைந்துள்ளது புதிய திருப்பத்தை ஏற்படுத்தியுள்ளது. அவருக்கு கட்சியில் முக்கிய பொறுப்பு வழங்கப்பட்டுள்ள நிலையில் அவருடைய அடுத்த கட்ட நகர்வு அரசியலில் உன்னிப்பாக கவனிக்கப்படுகிறது.

இந்நிலையில் செங்கோட்டையன் தமிழக வெற்றி கழகம் கட்சியில் இணைந்ததை தொடர்ந்து தினமும் தொண்டர்களை சந்தித்து வருகிறார். மேலும் தமிழக வெற்றிக்கழகம் கட்சியில் உறுப்பினர்களை சேர்க்கும் பணியிலும் தீவிரம் காட்டி வருகின்றார். அதன்படி நாம் தமிழர் கட்சியில் மாவட்ட செயலாளராக இருந்த அபிஷேக் என்பவரின் தலைமையில் 50க்கும் மேற்பட்டவர் செங்கோட்டையன் தலைமையில் தமிழக வெற்றிக்கழகம் கட்சியில் தங்களை இணைத்துக் கொண்டனர்.