அமெரிக்கக் கடற்படை செயலாளர் ஜான் பெலன் அதிரடியாகப் பதவி நீக்கம் செய்யப்பட்டதைத் தொடர்ந்து, அந்நாட்டின் கடற்படையை நவீனப்படுத்தும் பணிகள் வேகம் எடுத்துள்ளன. பாதுகாப்பு அமைச்சர் பீட் ஹெக்சேத்துடன் கப்பல் கட்டும் சீர்திருத்தங்கள் மற்றும் கொள்கை முடிவுகளில் ஏற்பட்ட கடும் கருத்து வேறுபாடே பெலனின் பதவி நீக்கத்திற்குக் காரணமாகக் கூறப்படுகிறது. குறிப்பாக, அமெரிக்கக் கடற்படையை உலகின் முதன்மை சக்தியாக மாற்றும் டிரம்பின் தொலைநோக்குப் பார்வைக்கு முட்டுக்கட்டையாக இருந்தவர் நீக்கப்பட்டதால், பென்டகன் இப்போது புதிய உத்வேகத்துடன் செயல்படத் தொடங்கியுள்ளது.
சீனாவின் வளர்ந்து வரும் கடற்படை பலத்திற்குப் போட்டியாக, அமெரிக்கா “டிரம்ப் வகை” (Trump-class) என்ற புதிய தலைமுறை போர்க்கப்பல்களை உருவாக்கத் திட்டமிட்டுள்ளது. இவை ஆளில்லாமல் தானாக இயங்கும் (Autonomous) திறன் கொண்டவை என்பது குறிப்பிடத்தக்கது. இந்தத் திட்டத்தின் கீழ் முதற்கட்டமாக ‘யுஎஸ்எஸ் டிபையன்ட்’ (USS Defiant) என்ற அதிநவீன போர்க்கப்பல் தயாரிக்கப்பட உள்ளது. லேசர் ஆயுதங்கள் மற்றும் அதிநவீன ஏவுகணை அமைப்புகளைக் கொண்ட இந்த ஒரு கப்பலை மட்டும் உள்நாட்டிலேயே உருவாக்க சுமார் ரூ.1.5 லட்சம் கோடி நிதி ஒதுக்கப்பட்டுள்ளது.
இதைத் தொடர்ந்து, மொத்தம் 3 அதிநவீன போர்க்கப்பல்களை சுமார் ரூ.4 லட்சம் கோடி செலவில் கட்டி முடிக்க அமெரிக்கப் பாதுகாப்புத் துறை இலக்கு நிர்ணயித்துள்ளது. ஆளில்லா நீர்மூழ்கிக் கப்பல்கள் மற்றும் தானியங்கி போர் நுட்பங்கள் மூலம் கடல் எல்லையில் அமெரிக்காவின் ஆதிக்கத்தை நிலைநாட்டுவதே இத்திட்டத்தின் முக்கிய நோக்கம். ஜான் பெலன் வெளியேறியுள்ள நிலையில், இந்த மெகா திட்டத்திற்கான பணிகள் இனி மின்னல் வேகத்தில் நடைபெறும் என்று எதிர்பார்க்கப்படுகிறது.
பீகாரின் முங்கர் மாவட்டத்தில் உள்ள ராம்பூர் பஸ்தியில், வெறும் 2,000 ரூபாய் பணத்திற்காகப் பொறியியல் மாணவர் ஒருவர் தற்கொலை செய்துகொண்ட…
ஹரியானாவின் நூஹ் மாவட்டத்தில், நீதிபதியின் ஓட்டுநர் என்று பொய் கூறி சுமார் இரண்டு லட்சம் ரூபாய் மோசடி செய்த நபர்…
நீருக்கு வெளியே முதலைகள் எவ்வளவு வேகத்தில் ஓடும் என்பது குறித்து அமெரிக்காவில் மேற்கொள்ளப்பட்ட ஒரு சுவாரசியமான பரிசோதனை குறித்த தகவல்கள்…
தமிழகத்தில் நேற்று நடந்து முடிந்த சட்டமன்றத் தேர்தல், முன்னெப்போதும் இல்லாத வகையில் மிக அதிக வாக்கு சதவீதத்தைப் பதிவு செய்து…
மத்தியப் பிரதேசத்தைச் சேர்ந்த ஷியாம் லால் யாதவ் என்பவருக்கு நேர்ந்த விசித்திரமான மருத்துவச் சம்பவம் உலகையே வியப்பில் ஆழ்த்தியுள்ளது. கடந்த…
ஈரான் உச்ச தலைவர் மோஜ்தபா கமேனி, இஸ்ரேல் மற்றும் அமெரிக்கா நடத்திய தாக்குதலில் படுகாயமடைந்துள்ளதாகத் தகவல்கள் வெளியாகியுள்ளன. கடந்த பிப்ரவரி…