நான் எப்பவுமே ஹீரோ இல்ல..  என் வெற்றிக்கு இதுதான் காரணம்… சத்யராஜ் பகிர்ந்த செம்ம மேட்டர்!

தமிழ் சினிமாவில் வில்லனின் அடியாட்களில் ஒருவராக தோன்றி பின்னர் வில்லனாக உருவானவர் சத்யராஜ். தன்னைப் பற்றி பேசும் போது ‘வில்லன் கூட்டத்தில் ஒருவனாக இருந்து ‘எஸ் பாஸ்’ சொல்லியே நான் 100 படங்களுக்கு மேல் நடித்துள்ளேன் எனக் கூறியுள்ளார். அதன் பிறகு பாரதிராஜா மற்றும் மணிவண்ணன் ஆகியோர் இயக்கத்தில் அவர் நடித்த படங்கள் அவரை கதாநாயகனாக்கின.

தமிழ் சினிமாவில் தற்போது வரை சிறந்த நடிகராகவும் வில்லனாகவும் கலக்குபவர் நடிகர் சத்யராஜ். ஹீரோவாக நடித்த போது தமிழில் மட்டுமே நடித்து வந்த சத்யராஜ், இப்போது பிறமொழிப் படங்களிலும் நடித்து வருகிறார். சத்யராஜுக்கு ஒரு மகனும் ஒரு மகளும் உள்ளனர்.  மகன் சிபிராஜ் திரைப்படங்களில் நடித்து வருகிறார். ஆனால் இப்போதும் தன் மகனை விட பிஸியான நடிகராக இருந்து வருகிறார் சத்யராஜ்.

2005 வரை ஹீரோவாக நடித்து வந்த சத்யராஜுக்கு அப்போது மார்க்கெட் சரிய ஆரம்பித்தது. அதனால் அவர் மீண்டும் குணச்சித்திர வேடங்களில் நடிக்கும் முடிவை எடுத்தார். அந்த முடிவு அவரை இன்று வரை பிஸியான நடிகராக வைத்துள்ளது. தென்னிந்திய மொழிகளில் மட்டும் இல்லாமல் தற்போது இந்தி படங்கள் வரை நடித்துக் கலக்கிக் கொண்டிருக்கிறார்.

இந்நிலையில் சமீபத்தில் ஒரு நேர்காணலில் அவர் பேசும்போது “நான் எப்போதுமே ஹீரோ இல்லைங்க. நான் டிமாண்ட் உள்ள குணச்சித்திர நடிகர். நான் நடித்த படங்கள் ஓடியது கூட கதையினால்தான். அதில் நான் மையக் கதாபாத்திரமாக இருந்தேன். அதனால்தான் நான் இப்போது வரை பிரபலமான நடிகராக இருக்கிறேன்.” எனக் கூறியுள்ளார்.

தற்போது சத்யராஜ் கூலி, சல்மான் கான் படம், தனுஷின் இட்லி கடை மற்றும் விஜய் சேதுபதியின் புதிய படம் ஆகியவற்றில் சத்யராஜ் முக்கிய வேடங்களில் நடித்து வருகிறார்.