16 வயதினிலே படத்துக்கும் சுந்தரபாண்டியன் படத்துக்கும் இடையில் இப்படி ஒரு ஒற்றுமை இருக்கா?… சசிகுமார் பகிர்ந்த தகவல்!

சுப்ரமண்யபுரம் என்ற கல்ட் கிளாசிக் திரைப்படம் மூலமாக தமிழ் சினிமாவுக்கு இயக்குனராகவும் நடிகராகவும் அறிமுகமானவர் சசிகுமார். அந்த படத்தின் வெற்றியில் நடிகர் சசிகுமார் வெற்றி பெற, இயக்குனர் சசிகுமாருக்கு நீண்ட ஓய்வை கொடுத்துவிட்டார்.

அதன் பின்னர் அவர் ஈசன் என்ற ஒரே ஒரு படத்தை மட்டுமே இயக்கினார். நாடோடிகள், சுந்தரபாண்டியன் என அவர் நடித்த படங்கள் அடுத்தடுத்து ஹிட்டாக தொடர்ந்து நடிக்க ஆரம்பித்தார். இதன் மூலம் தமிழ் சினிமாவில் ஒரு மினிமம் கியாரண்டி நடிகராக உருவானார்.

அவர் நடித்த சில படங்கள் சூப்பர் ஹிட்டானதும், தெலுங்கு மற்றும் கன்னடம் ஆகிய மொழிகளில் ரீமேக் செய்யப்பட்டன. சமீபகாலமாக அவர் படங்கள் எதுவும் ஹிட்டாகாத நிலையில் சமீபத்தில் அயோத்தி மற்றும் நந்தன் ஆகிய கதையம்சம் உள்ள படங்கள் மூலமாகக் கம்பேக் கொடுத்துள்ளார்.

இந்நிலையில் அவர் சமீபத்தில் அளித்துள்ள நேர்காணலில் தன்னுடைய சூப்பர் ஹிட் படமான சுந்தர பாண்டியன் படம் பற்றி பேசியுள்ளார். அதில் “சுந்தர பாண்டியன் படத்தில் விஜய் சேதுபதி வில்லன் என்று சொன்னதும் நான் மறுத்தேன். ஏனென்றால் அப்போது அப்போது அவர் பீட்சா மற்றும் நடுவுல கொஞ்சம் பக்கத்த காணோம் ஆகிய படங்களில் கமிட்டாகிவிட்டார். அதனால் ஒரு ஹீரோவை ஏன் நம் படத்தில் வில்லன் ஆக்கவேண்டும் என தவிர்த்தேன். ஆனால் அவர் அப்போதே தெளிவாக இருந்தார். நான் ஹீரோ, வில்லன் என்று பார்க்கமாட்டேன் என சொல்லி நடித்தார்.

அந்த படத்தில் நடித்த நான், சூரி, விஜய் சேதுபதி, இயக்குனர் பிரபாகரன் என எல்லோரும் வேறு வேறு உயரத்துக்கு சென்றோம். இதுபோல 16 வயதினிலே படத்துக்கு நடந்தது. அந்த படத்தில் நடித்த  கமல், ரஜினி, இயக்குனர் பாரதிராஜா, ஸ்ரீதேவி மற்றும் கவுண்டமணி என எல்லோரும் உச்சத்தைத் தொட்டார்கள். சில படங்களுக்கு அப்படி நடக்கும். அந்த வகையில் பதினாறு வயதினிலே படத்துக்கும் சுந்தரபாண்டியன் படத்துக்கும் நடந்தது” எனக் கூறியுள்ளார்.