2026 தமிழக சட்டமன்றத் தேர்தலை முன்னிட்டு அதிமுகவின் முன்னாள் பொதுச்செயலாளர் சசிகலா தனது அரசியல் வருகையை உறுதிப்படுத்தும் வகையில் அதிரடி நடவடிக்கைகளில் இறங்கியுள்ளார். ராமநாதபுரம் மாவட்டம் பசும்பொன்னில் வரும் 24-ஆம் தேதி பிரம்மாண்ட பொதுக்கூட்டம் மற்றும் நலத்திட்ட உதவிகள் வழங்கும் விழாவிற்கு அவர் திட்டமிட்டுள்ளார். இந்த கூட்டத்திற்கு குறைந்தபட்சம் 25,000 ஆதரவாளர்களைத் திரட்ட வேண்டும் என்று தனது ஆதரவாளர்களுக்கு அவர் கண்டிப்பான உத்தரவு பிறப்பித்துள்ளார்.
இந்த அரசியல் நகர்வுகளைத் திட்டமிட்டுச் செயல்படுத்த சசிகலா ஒரு உயர்நிலைக் குழுவை உருவாக்கியுள்ளார். இதில் முன்னாள் ஐஏஎஸ் அதிகாரி சோ. ஐயர் மற்றும் ஓய்வு பெற்ற காவல்துறை அதிகாரி வெள்ளைத்துரை உள்ளிட்ட 10 முக்கியப் பிரமுகர்கள் இடம்பெற்றுள்ளனர். இந்த ‘வார் ரூம்’ குழுவானது, நிர்வாக ரீதியிலான வியூகங்களை வகுப்பதிலும், கள நிலவரங்களை ஆராய்ந்து தேர்தல் பணிகளை முடுக்கிவிடுவதிலும் தீவிரமாகச் செயல்பட்டு வருகிறது.
தென் மாவட்டங்களில் அதிமுகவின் பாரம்பரிய வாக்கு வங்கியான முக்குலத்தோர் வாக்குகளைத் தன் வசம் இழுப்பதே சசிகலாவின் முக்கிய இலக்காக உள்ளது. எடப்பாடி பழனிசாமி தலைமையிலான அதிமுக தற்போது கொங்கு மண்டலக் கட்சியாக மாறிவிட்டதாகக் கூறி, அதிருப்தியில் இருக்கும் தென் மாவட்ட அதிமுக நிர்வாகிகளைத் தனது பக்கம் ஈர்க்கும் முயற்சியில் அவர் ஈடுபட்டுள்ளார். குறிப்பாக, ராமநாதபுரத்தைச் சேர்ந்த முன்னாள் நிர்வாகி பி.இ.எல் மஜி போன்றவர்களின் ஆதரவுடன் சசிகலா களம் காண்கிறார்.
சசிகலாவின் இந்த அதிரடி மாற்றங்கள் மற்றும் பசும்பொன் பேரணி ஆகியவை அதிமுகவின் அடிமட்டத் தொண்டர்கள் மத்தியில் பெரும் எதிர்பார்ப்பை ஏற்படுத்தியுள்ளன. வரும் தேர்தலில் அதிமுகவின் வாக்குகளைத் தன் பக்கம் திருப்பி, தனது அரசியல் பலத்தை நிரூபிக்க சசிகலா போடும் இந்த ஸ்கெட்ச் எந்த அளவிற்குப் பலன் தரும் என்பது அரசியல் வட்டாரங்களில் உன்னிப்பாகக் கவனிக்கப்பட்டு வருகிறது. இது எடப்பாடி பழனிசாமி தரப்புக்குச் சவாலான ஒரு சூழலை உருவாக்கியுள்ளது.
தமிழக வெற்றிக் கழகத்தின் முன்னாள் நிர்வாகி நாகை பூபாலன் கைதான விவகாரத்தில், சர்வதேச அளவில் இயங்கும் மாபெரும் போதைப்பொருள் கடத்தல்…
உத்தரபிரதேச மாநிலம் கன்னோஜ் மாவட்டத்திற்குட்பட்ட ஜகத்பூர் பகுதியைச் சேர்ந்த சுக்பீர் சிங் என்பவர் அரியானாவில் பணியாற்றி வந்தார். 11 ஆண்டுகளுக்கு…
தமிழகத்தைச் சேர்ந்த தொழிலதிபர் ஆனந்த், பெங்களூரு எலகங்கா பகுதியில் தனது குடும்பத்துடன் வசித்துக்கொண்டு மக்காச்சோள இயந்திரங்கள் தயாரிக்கும் தொழில் செய்து…
உத்தரப் பிரதேச மாநிலத்தில் பணி நிமித்தமாகக் காவலாளி ஒருவர் இருசக்கர வாகனத்தில் சென்றபோது, அதிவேகமாக வந்த லாரி மோதிப் பரிதாபமாக…
சென்னை நீலாங்கரை, கபாலீஸ்வரர் நகர் தெற்கு 4-வது மெயின் ரோடு பகுதியில், பிறந்து சில மணி நேரங்களே ஆன பச்சிளம்…
வடகொரியா தனது வான் எல்லை பாதுகாப்பை மேலும் பலப்படுத்தும் நோக்கில், மனித உதவியின்றி இலக்குகளைத் தானாகவே துல்லியமாகக் கண்டறிந்து தாக்கும்…