ஜெயலலிதா மறைவுக்குப் பிறகு எடப்பாடி பழனிசாமி முதலமைச்சராகப் பதவியேற்க முழுமுதற் காரணமாக இருந்தவர் சசிகலா. ஆனால், அதிகாரம் கைக்கு வந்தவுடன் சசிகலாவையே கட்சியை விட்டு எடப்பாடி பழனிசாமி நீக்கினார். தனது தலைமைக்கு சவால் விடுப்பார்கள் எனக் கருதி ஓ.பன்னீர்செல்வம் மற்றும் டிடிவி தினகரன் ஆகியோரையும் அவர் ஓரங்கட்டினார். ஒட்டுமொத்த அதிமுகவையும் தனது முழு கட்டுப்பாட்டில் வைத்துள்ள எடப்பாடி, பிரிந்து சென்றவர்களை மீண்டும் இணைக்க முன்வராததால் சசிகலா தற்போது அரசியல் ரீதியாகத் தனித்து விடப்பட்டுள்ளார்.
தொடர் தேர்தல் தோல்விகளால் பலவீனமடைந்துள்ள அதிமுகவை மீண்டும் பலப்படுத்த, பிரிந்தவர்கள் இணைய வேண்டும் எனச் சசிகலா எடுத்த முயற்சிகள் எடப்பாடியின் பிடிவாதத்தால் தோல்வியடைந்தன. குறிப்பாக, டிடிவி தினகரன் எடப்பாடியைச் சந்தித்துப் பேசியும் எந்தப் பலனும் கிடைக்கவில்லை. அதேசமயம், அதிமுக தலைமையிலான கூட்டணியில் டிடிவி தினகரன் இணைந்ததையும் சசிகலா ரசிக்கவில்லை. இதனால் எடப்பாடியின் “துரோகத்திற்கு” முற்றுப்புள்ளி வைக்கவும், தனது பலத்தைக் காட்டவும் ‘அனைத்திந்திய புரட்சித்தலைவர் மக்கள் முன்னேற்ற கழகம்’ என்ற கட்சியை அவர் தற்போது தீவிரப்படுத்தியுள்ளார்.
நடைபெறவுள்ள தேர்தலில் தென்மண்டலம், கொங்கு மண்டலம் மற்றும் மத்திய மண்டலங்களில் சசிகலா தனது வேட்பாளர்களைக் களம் இறக்கியுள்ளார். குறிப்பாக, அதிமுகவில் சீட் கிடைக்காத முன்னாள் எம்.எல்.ஏ-க்களான உசிலம்பட்டி அய்யப்பன், திண்டுக்கல் ராமுத்தேவர் போன்ற முக்கியப் புள்ளிகளைத் தனது வேட்பாளர்களாக நிறுத்தியுள்ளார். அதிமுகவின் கோட்டையாகக் கருதப்படும் பகுதிகளில் அதிமுகவின் முன்னாள் நிர்வாகிகளையே வேட்பாளர்களாக நிறுத்தியுள்ளதால், முக்குலத்தோர் வாக்குகள் கணிசமாகப் பிரியும் சூழல் உருவாகியுள்ளது. இது எடப்பாடி தலைமையிலான அதிமுகவின் வெற்றி வாய்ப்பைப் பெருமளவில் பாதிக்கும் என அரசியல் விமர்சகர்கள் கருதுகின்றனர்.
சாலையோரத்தில் இருந்து எந்தவித முன்னறிவிப்பும் இன்றி, பின்னால் வரும் வாகனங்களை உற்றுநோக்காமல் திடீரென வாகனங்களை இயக்குவது சாலைகளில் அன்றாடம் அரங்கேறும்…
பெங்களூருவைச் சேர்ந்த தொழிலதிபரான ஆனந்தராஜ், தனது 22 வயது ஊழியர் கிரண் மற்றும் அவரது 19 வயது மகளைத் தனது…
கர்நாடகாவில் நடந்த ஒரு அதிர்ச்சி சம்பவத்தில், மாப்பிள்ளை ஒருவர் தனது மாமியாரைத் தொலைபேசியில் அழைத்து, "நான் உங்கள் மகளைக் கொன்றேன்"…
கோலாப்பூர் – இச்சல்கரஞ்சி-கப்னூர் வழித்தடத்தில் உள்ள கப்னூர் சௌக் பகுதியில் அதிவேகமாக வந்த டாடா பஞ்ச் கார், முன்னால் சென்று…
உணவகத்தின் கலகலப்பான சத்தங்களுக்கு நடுவே, மேஜையின் நடுவில் வைக்கப்பட்டிருந்த ஹாட் பாட் பாத்திரம் மெல்லிய புகையுடன் கொதித்துக் கொண்டிருந்தது. தட்டிலிருந்த…
தலைநகர் டெல்லி மயூர் விஹார் பகுதியில் உள்ள தனியார் பள்ளியில் 3-ஆம் வகுப்பு படித்து வந்த 9 வயது சிறுமி…