“விஜய்க்கு சங்கீதா வைக்கும் ‘செக்’! நீதிமன்றத்தில் இடைக்காலத் தடை கோரிக்கை? அடுத்தக்கட்ட பிளான் இதுதான்!”

நடிகர் விஜய் மற்றும் நடிகை திரிஷா ஆகியோர் சென்னையில் நடைபெற்ற திருமண வரவேற்பு ஒன்றில் ஒரே காரில் ஜோடியாக வந்து பங்கேற்றது சமூக வலைத்தளங்களில் பெரும் விவாதத்தை ஏற்படுத்தியுள்ளது. ஏற்கனவே விஜய் மீது அவரது மனைவி சங்கீதா விவாகரத்து கோரி வழக்கு தொடர்ந்துள்ள நிலையில், இந்த நிகழ்வு எரியும் நெருப்பில் எண்ணெயை ஊற்றியது போல் அமைந்துள்ளது. கல்பாத்தி சுரேஷின் மகன் திருமண விழாவில் இருவரும் ஒரே வண்ணத்திலான ஆடைகளை அணிந்து நெருக்கமாகக் காட்சியளித்த வீடியோக்கள் வைரலாகி வருகின்றன.

சங்கீதா தரப்பிலிருந்து தாக்கல் செய்யப்பட்டுள்ள விவாகரத்து மனுவில், திருமணத்தை மீறிய உறவு, கொடுமை மற்றும் பிரிந்து வாழ்தல் ஆகிய மூன்று முக்கிய காரணங்கள் முன்வைக்கப்பட்டுள்ளன. 2021-ம் ஆண்டு ஏப்ரல் மாதம் முதலே விஜய்யின் இந்த உறவு குறித்துத் தனக்குத் தெரியும் என்றும், இதனால் தான் கடும் மன உளைச்சலுக்கு ஆளானதாகவும் சங்கீதா குறிப்பிட்டுள்ளார். மேலும், அந்த நடிகை சமூக வலைத்தளங்களில் பகிரும் பதிவுகள் தனக்கும் தனது குழந்தைகளுக்கும் அவமானத்தைத் தருவதாகவும் அவர் வேதனை தெரிவித்துள்ளார்.

தற்போது விஜய் – திரிஷா ஜோடியாகப் பொது நிகழ்வில் தோன்றியதைத் தொடர்ந்து, சங்கீதா தரப்பு அடுத்தக்கட்ட சட்ட நடவடிக்கைகளில் தீவிரமாக இறங்கியுள்ளது. விவாகரத்து வழக்கு முடியும் வரை, தனது மன அமைதியைப் பாதிக்கும் வகையில் விஜய் அந்த நடிகையுடன் பொது இடங்களுக்கு வரக் கூடாது என நீதிமன்றத்தில் ‘இடைக்காலத் தடை’ கோர அவர்கள் திட்டமிட்டுள்ளனர். மேலும், அந்த நடிகையை இந்த வழக்கின் இரண்டாவது எதிர்மனுதாரராகச் சேர்க்கவும் சட்ட ஆலோசனைகள் நடைபெற்று வருவதாகத் தெரிகிறது.

இதுமட்டுமின்றி, பத்திரிகையாளர்களைச் சந்தித்துத் தனது தரப்பு நியாயங்களை வெளிப்படையாக அறிவிக்கவும் சங்கீதா தயாராகி வருவதாகத் தகவல்கள் வெளியாகியுள்ளன. பி.என்.எஸ்  சட்டத்தின் கீழ் மனரீதியான கொடுமை இழைக்கப்பட்டதாகக் கூறி, அதிகப்படியான பராமரிப்புத் தொகை மற்றும் சொத்துக்களில் உரியப் பங்கினைப் பெறவும் அவரது வழக்கறிஞர்கள் வியூகம் அமைத்து வருகின்றனர். இந்த விவகாரம் விஜய்யின் தனிப்பட்ட வாழ்க்கையைத் தாண்டி, அவரது அரசியல் எதிர்காலத்திலும் ஒருவித தாக்கத்தை ஏற்படுத்தும் என்று அரசியல் நோக்கர்கள் கருதுகின்றனர்.