“அமெரிக்காவுக்கு டிரம்ப் போட்ட ரகசிய ஆர்டர்?”… யாரும் எதிர்பார்க்காத வேகத்தில் ஈரான் காட்டிய ‘சர்ப்ரைஸ்’.. உலகையே உலுக்கப் போகும் அடுத்த உலகப்போர்…!

மத்திய கிழக்கில் மீண்டும் ஒரு பெரும் போர் மேகம் சூழ்ந்துள்ள நிலையில், ஈரான் மீது அமெரிக்காவும் இஸ்ரேலும் இணைந்து ஒரு திடீர் தாக்குதலை நடத்துவதற்காக அமெரிக்காவில் தீவிரமாகத் திட்டம் தீட்டப்பட்டு வருவதாகத் தகவல்கள் வெளியாகியுள்ளன. அதே நேரத்தில், யாரும் எதிர்பார்க்காத வேகத்தில் ஈரான் தனது ராணுவ உற்பத்தியைத் தொடங்கியுள்ளதாகவும், தற்போதைய சூழலில் தாக்குதல் நடத்தினால் அனைத்து முனைகளில் இருந்தும் பதிலடி கொடுக்க ஈரான் தயாராக இருப்பதாகவும் அமெரிக்க உளவு அமைப்புகள் அதிபர் டொனால்ட் டிரம்ப்-க்கு எச்சரிக்கை விடுத்துள்ளன. குறிப்பாக, தற்காலிக போர் நிறுத்தக் காலத்தைப் பயன்படுத்திக் கொண்ட ஈரான், தனது ட்ரோன் மற்றும் ஏவுகணை உற்பத்தித் தளங்களை முழு வீச்சில் இயக்கி வருவதாகக் கூறப்படுகிறது.

அமெரிக்க ராணுவ வட்டாரங்கள் ஈரானின் இந்த அசுர வேக மீட்சியைப் பார்த்து அதிர்ச்சியடைந்துள்ள நிலையில், இதற்குப் பின்னணியில் ரஷ்யா மற்றும் சீனா ஆகிய நாடுகள் இருப்பதாக CNN ஊடகம் தெரிவித்துள்ளது. ஈரான் தனது ட்ரோன் மற்றும் ஏவுகணைகளுக்குத் தேவையான முக்கியப் பாகங்களை இந்த இரு நாடுகளிடம் இருந்தே பெற்று வருவதாகக் குற்றம் சாட்டப்படுகிறது. இதற்கிடையே, கடந்த கால மோதல்களில் இருந்து பல பாடங்களைக் கற்றுக் கொண்டுள்ளதாகவும், அமெரிக்காவின் வான்வழித் தாக்குதல்களை எப்படி எதிர்கொள்வது என்பதில் தங்களுக்குப் போதிய அனுபவம் கிடைத்துள்ளதாகவும் ஈரான் தரப்பில் கூறப்படுகிறது. மேலும், அடுத்த போரில் அமெரிக்கா மற்றும் இஸ்ரேல் படைகளுக்குப் பல “சர்ப்ரைஸ்கள்” காத்திருக்கின்றன என்றும் ஈரான் எச்சரித்துள்ளது.

இதற்கேற்ப, ஈரான் நாடு முழுவதும் நகரும் திறன் கொண்ட (mobile) ஏவுகணை ஏவும் தளங்களை அதிவேகமாக இடமாற்றம் செய்து தயார் நிலையில் வைத்துள்ளது. குறிப்பாக, உலக வர்த்தகத்தில் முக்கியப் பங்கு வகிக்கும் ஹார்முஸ் நீரிணை வழியாகச் செல்லும் கப்பல்களைக் குறிவைத்துத் தாக்கும் திறன் கொண்ட கடற்படை ஏவுகணைத் தளங்களை ஈரான் பலப்படுத்தியுள்ளது. அந்நாட்டின் வசம் உள்ள 33 முக்கிய ஏவுகணைத் தளங்களில் 30 தளங்கள் தற்போது முழுமையாகச் செயல்பாட்டிற்கு வந்துள்ளதாக உளவுத் தகவல்கள் தெரிவிக்கின்றன. ஈரானின் இந்த அதிரடி ராணுவத் தயாரிப்புகளுக்குப் பதிலடி கொடுக்க, அமெரிக்காவும் இஸ்ரேலும் இணைந்து கூட்டுத் தாக்குதல் நடத்துவது கிட்டத்தட்ட உறுதியாகியுள்ளது.

இந்த இருதரப்பு மோதல் தீவிரமடைந்தால், அது வெறும் அமெரிக்கா-ஈரான் போராக மட்டும் சுருங்காமல், ஒட்டுமொத்த மத்திய கிழக்குப் பகுதியையும் உலுக்கும் ஒரு பெரும் போராக மாறும் அபாயம் உள்ளது. ஏனெனில், அடுத்த கட்ட மோதலில் சவுதி அரேபியா மற்றும் ஐக்கிய அரபு அமீரகம் (UAE) ஆகிய நாடுகளும் நேரடியாகவோ அல்லது மறைமுகமாகவோ பங்கெடுக்க வாய்ப்புள்ளதாகக் கருதப்படுகிறது. இந்த உலகளாவிய பதற்றம் நீடித்தால், சர்வதேச சந்தையில் கச்சா எண்ணெய் விலை கடுமையாக உயர்ந்து, அதன் காரணமாக உலகப் பொருளாதாரத்தில் பெரும் தேக்கமும், கடுமையான பாதிப்புகளும் ஏற்படும் எனப் பொருளாதார வல்லுநர்கள் அச்சம் தெரிவித்துள்ளனர்.