“இந்த ஐடியா நல்லா இருக்கே…” மருத்துவ உலகை காக்க கை கொடுக்கும் இயற்கை ரப்பர்…! தடுப்பாடை போக்க இந்திய ரப்பர் ஆராய்ச்சி நிறுவனத்தின் அசத்தலான திட்டம்….!!

இந்தியாவில் மருத்துவக் கையுறைகள், உறைகள், மருத்துவக் குழாய்கள் போன்ற அத்தியாவசியப் பொருட்களின் உற்பத்திக்கு இயற்கை ரப்பர் மற்றும் லேடெக்ஸ் மிக முக்கியமான மூலப்பொருளாக விளங்கி வருகிறது. இந்நிலையில், உள்நாட்டு மூலப்பொருள் தேவையை அதிகரிக்கும் நோக்கில், மகாராஷ்டிர மாநிலத்தில் இயற்கை ரப்பர் சாகுபடி சாத்தியக்கூறுகள் குறித்து இந்திய ரப்பர் ஆராய்ச்சி நிறுவனம் மற்றும் ரப்பர் வாரியம் தீவிர ஆய்வுகளைத் தொடங்கியுள்ளன.

ஏற்கனவே மகாராஷ்டிராவின் கொலாப்பூர் பகுதியில் நடத்தப்பட்ட ஒரே ஒரு சோதனை வெற்றியடைந்துள்ள நிலையில், அதிக மழைப்பொழிவு மற்றும் ஏற்ற காலநிலை கொண்ட கொங்கன் மண்டலம் முழுவதும் வணிக ரீதியிலான சாகுபடியைப் விரிவாக்கம் செய்யப் பல கட்ட சோதனைகள் தேவை என அதிகாரிகள் வலியுறுத்தியுள்ளனர். இந்தியாவில் ரப்பருக்கான தேவை அதிகரித்து வரும் நிலையில், ஆண்டுதோறும் பல லட்சம் டன்கள் இறக்குமதி செய்யப்பட்டு வரும் சூழலை மாற்றவே இந்த முயற்சி முடுக்கப்பட்டுள்ளது.

தாப்சாரியில் உள்ள மண்டல ஆராய்ச்சி நிலையம் மூலம் மண் வளம், வெப்பநிலை மற்றும் மழைப்பொழிவு குறித்த அறிவியல் பூர்வ சோதனைகள் நடத்தப்பட்ட பிறகே, விவசாயிகள் வணிக ரீதியாக ரப்பர் சாகுபடியில் ஈடுபட ஊக்குவிக்கப்படுவார்கள் எனத் தெரிவிக்கப்பட்டுள்ளது. இந்தத் திட்டம் வெற்றியடைந்தால், மகாராஷ்டிர விவசாயிகளுக்கு ஒரு புதிய வர்த்தக ரீதியிலான பணப்பயிர் கிடைப்பதுடன், நாட்டின் மருத்துவத்துறை உற்பத்தியும் சுயசார்பை நோக்கி முன்னேறும்.