“ஒரு குழந்தை இரத்தத்திற்கு ரூ.1500…” குப்பை பொறுக்கும் சிறுவர்களைக் குறிவைத்து அராஜகம்…! லக்னோவில் அம்பலமான திடுக்கிடும் ரத்த வியாபாரம்….!!

உத்தரப்பிரதேச மாநிலம் லக்னோவின் புத்தேஷ்வர் பகுதியில், சந்தேகத்திற்கு இடமான வகையில் சுற்றித் திரிந்த அப்ஸாஸ் என்பவரை அப்பகுதி மக்கள் பிடித்துக் காவல்துறையிடம் ஒப்படைத்தனர். அவர்களிடம் பிடிபட்ட அந்த நபர், ஏழை மற்றும் ஆதரவற்ற சிறுவர்களை ஆசை வார்த்தைகள் கூறி ஏமாற்றி அழைத்துச் சென்று, மருத்துவமனைகளில் அவர்களின் இரத்தத்தை விற்பனை செய்து வந்ததாக திடுக்கிடும் உண்மையை ஒப்புக் கொண்டுள்ளார்.

ஒரு குழந்தையின் இரத்தத்தை ரூ.1500 முதல் ரூ.2000 வரை விற்பனை செய்வதாகவும், முக்கியமாகக் குப்பை பொறுக்கும் ஏழைச் சிறுவர்களையே தான் இலக்காகக் கொண்டதாகவும் தெரிவித்துள்ளார். தினமும் 6 முதல் 7 சிறுவர்களைக் கடத்தி வந்ததாக அவர் அளித்த அதிர்ச்சி வாக்குமூலத்தின் பேரில், லக்னோ பாரா காவல் நிலைய பொலிஸார் வழக்குப் பதிவு செய்து தீவிர விசாரணை மேற்கொண்டு வருகின்றனர்.