6 வருஷமா IT ஆபீசர்ஸ் எனக்கூறி மூதாட்டியிடம் ரூ.1.15 கோடி மோசடி செய்த கும்பல்… பகீர் கிளப்பும் பின்னணி…!

மும்பையில் வருமானவரித்துறை அதிகாரிகள் என்று கூறி மூதாட்டி ஒருவரிடம் கடந்த ஆறு வருடங்களாக 1.15 கோடி ரூபாய் மோசடி செய்த சம்பவம் அதிர்ச்சியை ஏற்படுத்தி உள்ளது. மகாராஷ்டிராவில் மும்பை ஒர்லி பகுதியில் 70 வயது மூதாட்டி வசித்து வரும் நிலையில் அரசு ஊழியரான இவரது கணவர் இறந்துவிட்டார். இப்படியான நிலையில் கடந்த 2019 ஆம் ஆண்டு மே மாதம் மூதாட்டியை தொலைபேசியில் தொடர்பு கொண்ட பெண் ஒருவர் தான் வருமான வரித்துறை அதிகாரி என்று கூறி பேசியுள்ளார். அப்போது உயிரிழந்த கணவர் பணத்தை எங்கள் அலுவலகம் திருப்பித் தர முடிவு செய்துள்ளது, ஆனால் உங்கள் கணவர் வரிபாக்கி வைத்திருப்பதால் நாங்கள் தரும் வங்கி கணக்கில் அந்த பணத்தை செலுத்தும் படி கூறியுள்ளனர்.

இதனை நம்பி அந்த மூதாட்டி கடந்த ஆறு ஆண்டுகளாக 50 முறை அந்த வங்கிக் கணக்கில் பணம் செலுத்தி வந்துள்ளார். இவ்வாறு சுமார் 1.15 கோடி ரூபாய் செலுத்திய பிறகும் வருமானவரித்துறை இடம் இருந்து மூதாட்டிக்கு எந்த ஒரு பணமும் வந்து சேரவில்லை. இது குறித்து உறவினரிடம் தெரிவித்ததை தொடர்ந்து அவர் தந்த ஆலோசனையின் படி போலீசில் மூதாட்டி புகார் அளித்தார். தற்போது இந்த சம்பவம் தொடர்பாக வழங்கப்பதிவு செய்துள்ள போலீசார் அந்த கும்பலை வலை வீசி தேடி வருகிறார்கள்.