“நீ என்ன போலீசா?”… “என் வண்டியையா தொடுற?”…. நடுரோட்டில் காரையும் லாரியையும் மறித்து பெண் செய்த வேலை… வைரலாகும் பரபரப்பு காட்சி….!

சென்னை அம்பத்தூர் – புழல் பிரதான சாலையில் இருசக்கர வாகனத்தில் வந்த இரு இளம் பெண்கள் சிறிய அளவிலான விபத்தை ஏற்படுத்தியதைத் தொடர்ந்து, நடுரோட்டில் பெரும் ரகளையில் ஈடுபட்ட சம்பவம் அதிர்ச்சியை ஏற்படுத்தியுள்ளது. விபத்து நடந்த கையோடு வாகனத்தைச் சாலையின் நடுவிலேயே நிறுத்திய அப்பெண்கள், அவ்வழியாகச் சென்ற வாகன ஓட்டிகளையும் பொதுமக்களையும் ஆக்ரோஷமாகத் தகாத வார்த்தைகளால் பேசி கடும் வாக்குவாதத்தில் ஈடுபட்டனர்.

https://www.instagram.com/reel/Dca8O-ETE_x/?utm_source=ig_embed&utm_campaign=loading

போக்குவரத்து நெரிசலைக் குறைக்கும் பொருட்டு அங்கிருந்த பொதுமக்கள் சிலர் சாலையை அடைத்துக் கொண்டிருந்த ஸ்கூட்டரை ஓரமாக நகர்த்த முயன்றபோது, அப்பெண்கள் அவர்களுடன் தள்ளுமுள்ளுவில் ஈடுபட்டனர். இதனால் ஸ்கூட்டர் கீழே சாய, ஆத்திரமடைந்த ஒரு பெண் காலணி கூட இல்லாமல் சாலையின் குறுக்கும் நெடுக்குமாக ஓடி, அவ்வழியே வந்த லாரி, பேருந்து மற்றும் கார்களை மறித்து தொடர்ந்து கூச்சலிட்டுப் பொதுமக்களுக்குக் கடும் இடையூறு விளைவித்தார்.

சம்பவ இடத்திற்கு விரைந்து வந்த போக்குவரத்துக் காவலர் நிலைமையைக் கட்டுப்படுத்தவும், போக்குவரத்தைச் சீர்செய்யவும் முயன்றார். இருப்பினும், சீருடையில் இருந்த காவலரையும் மதிக்காமல் மிக அருகில் சென்று ஒருமையில் பேசிய அப்பெண், கைதட்டி ஏளனம் செய்து அவரைத் தகாத வார்த்தைகளால் திட்டினார். மேலும், மீண்டும் ஓடும் வாகனங்களுக்கு முன்பாகச் சென்று நின்று போக்குவரத்தை முற்றிலும் முடக்கினார்.

பொதுமக்களுக்கும் போக்குவரத்துக்கும் பெரும் அச்சுறுத்தலாக அமைந்த இந்த முழு சம்பவத்தையும் அங்கிருந்தவர்கள் தங்கள் கைபேசியில் படம்பிடித்து சமூக வலைதளங்களில் பதிவிட்டனர். சீருடைப் பணியாளரையும் பொதுமக்களையும் அவமதித்து ரகளையில் ஈடுபட்ட இந்த வீடியோ இணையத்தில் வைரலாகி வரும் நிலையில், பொது அமைதிக்குக் குந்தகம் விளைவித்த அப்பெண்கள் மீது காவல்துறை அதிகாரிகள் தீவிர விசாரணை மேற்கொண்டு வருகின்றனர்.