இதென்ன கொடுமையா இருக்கு..? வாடகைக்கு விடப்படும் மனைவிகள்… வெளிநாடுகளில் அதிகரிக்கும் கலாச்சாரம்..!!

தாய்லாந்தில் வேகமான வாழ்க்கை முறை மற்றும் தனிமை காரணமாக வாடகை மனைவிகள் கலாச்சாரம் அதிகரித்துள்ளது. வாடகை மனைவிகளின் விலை 1600 டாலர்கள் முதல் 1,16,000 டாலர்கள் வரை (இந்திய மதிப்பு படி 1.4 லட்சம் முதல் 1 கோடிக்கு மேல்) இருக்கக்கூடும். அந்தப் பெண்ணின் வயது, அழகு, கல்வித் தகுதியை பொறுத்து உறவை எவ்வளவு காலம் வைத்திருக்க வேண்டும் என்பது தீர்மானிக்கப்படுகிறது.

அந்தப் பெண் தனது டெம்ப்ரவரி கணவருடன் உணவு சமைத்து, உல்லாசமாக சுற்றித்திரிந்து குடும்பம் போன்ற சூழலில் வாழ்கிறார். மேலும் இருவரும் விரும்பினால் திருமணம் செய்து கொள்ளலாம். ‘‘தாய் டேபூ தி ரைஸ் ஆஃப் வைஃப் ரென்டல் இன் மாடர்ன் சொசைட்டி” என்ற புத்தகம் மூலம் இந்த விஷயம் அம்பலமாகியுள்ளது. இதன் எழுத்தாளர் லாவர்ட் இம்மானுவேல் இது குறித்து கூறுகையில், ஏழை குடும்பத்தை சேர்ந்த பெண்கள் பெரும்பாலும் இந்த தொழிலை மேற்கொள்கின்றனர். மேலும் இந்த போக்கு குறித்து தாய்லாந்து அரசாங்கம் கவலை தெரிவித்துள்ளது.