கில்லி முதல் பருத்திவீரன் வரை… 2024-இல் ரீ-ரிலீஸ் செய்யப்பட்டு வசூலை வாரிய படங்கள்..!

இந்த வருடம் முடிவடைய இன்னும் சில நாட்களே உள்ளது. அனைவரும் 2025 ஆம் வருடம் வரவேற்க தரையாக இருக்கிறோம் இந்த நேரத்தில் 2024-ம் வருடத்தின் சிறந்த படங்கள், பாடல்கள் என அனைத்தையுமே நினைவுகூர்ந்து பார்ப்பது வழக்கம். அந்த வகையில் 2024 ஆம் வருடம் ரீ ரிலீஸ் ஆன படங்கள் குறித்து பார்க்கலாம்.

விஜய், த்ரிஷா நடிப்பில் உருவான திரைப்படம் கில்லி. இந்த படம் ரீரிலீஸ் செய்யப்பட்டது. திரையரங்குகளில் பட்டையை கிளப்பியது. இந்த படம் வெளியாகி 20 வருடத்திற்கு மேல் ஆன நிலையில் விஜயின் இளம் ரசிகர்கள் தியேட்டரில் படத்தை பார்த்து ரசிகர் ரசித்தார்கள். புது படத்திற்கு செய்வது போல டிக்கெட் முன்பதிவு செய்து படத்தை ரசிகர்கள் பார்த்தனர். படம் திரையரங்குகளில் வெளியாகி பாக்ஸ் ஆபிஸில் 30 கோடி வசூல் செய்தது.

நடிகர் அஜித் நடித்த திரைப்படம் மங்காத்தா. இந்த படத்தில் அஜித்தை வேறு ஒரு கோணத்தில் காட்டி இருப்பார்கள். இந்த படத்தில் திரிஷா, அர்ஜுன், ஆண்ட்ரியா, பிரேம்ஜி உள்ளிட்ட பலரும் நடித்திருந்தார்கள். வெங்கட் பிரபு இயக்கத்தில் அஜித்குமார் போலீஸ் அதிகாரியாக நடித்திருந்தார். இந்த திரைப்படம் ஆனது அஜித் பிறந்தநாளை ஒட்டி பதிமூன்று வருடங்களுக்குப் பிறகு கடந்த மே மாதம் அன்று மறுபடியும் ரீரிலீஸ் செய்யப்பட்டது. படம் வெளியாகி 10 கோடி வசூலை அள்ளியது.

தங்கர்பச்சான் இயக்கத்தில் பார்த்திபன் நந்திதாதாஸ், தேவயானி, விவேக் ,மோனிகா உள்ளிட்ட பலரும் நடித்த திரைப்படம் அழகி. இந்த படம் பள்ளி பருவ காதலையும், காதலின் பிரிவையும் சொல்லிய படம். இந்த படம் 22 வருடங்களுக்கு முன் 100 நாட்களுக்கு மேல் திரையரங்குகளில் ஓடி நல்ல வசூலை அள்ளிய நிலையில் மீண்டும் ரீ ரிலீஸ் செய்யப்பட்டது.

சந்தானபாரதி இயக்கத்தில் கமலஹாசன், ஜனகராஜ், ரேகா உள்ளிட்ட பலரும் நடித்த திரைப்படம் குணா. இந்த படம் 1991 ஆம் வருடம் வெளியானது. இந்த படம் வெளியாகி 33 வருடங்கள் ஆகியும் இந்த படத்தில் வரும் கண்மணி அன்போடு காதலன் என்ற பாடலை இந்த காலத்தில் ரசிகர்களும் கொண்டாடி வருகிறார்கள் . இந்த படமானது கடந்த மாதம் ரிலீஸ் செய்யப்பட்டது.

அமீர் இயக்கத்தில் கார்த்தி, பிரியாமணி, சரவணன், பொன்வண்ணன் உள்ளிட்ட பலரும் நடித்த திரைப்படம் பருத்திவீரன். இந்த படம் 2007 ஆம் ஆண்டு வெளியான நிலையில் 17 வருடங்கள் கழித்து கடந்த மார்ச் மாதம் வெளியிடப்பட்டது.