“CM விஜய்க்கு தெரிந்தது எல்லாமே த்ரிஷா மட்டும் தான்”… ஆர்பி உதயகுமார் பேசிய அநாகரீக பேச்சு… கொந்தளிக்கும் நெட்டிசன்கள்…!

தூத்துக்குடியில் நடைபெற்ற அதிமுக பொதுக்கூட்டத்தில், முதலமைச்சர் விஜய் மற்றும் நடிகை த்ரிஷா குறித்து முன்னாள் அமைச்சர் ஆர்.பி. உதயகுமார் பேசிய அநாகரீகப் பேச்சு சமூக வலைதளங்களில் பெரும் புயலைக் கிளப்பியுள்ளது. காவிரி நீர் போன்ற மாநிலத்தின் முக்கியப் பிரச்சினைகள் குறித்து விவாதிப்பதைத் தவிர்த்துவிட்டு, பொதுமேடையில் தனிநபர்களின் வாழ்க்கையைக் கொச்சைப்படுத்திப் பேசியிருப்பது அரசியல் வட்டாரத்திலும் பொதுமக்கள் மத்தியிலும் கடும் அதிர்ச்சியை ஏற்படுத்தியுள்ளது.

நிகழ்ச்சியில் பேசிய ஆர்.பி. உதயகுமார், “தமிழகத்தில் காவிரிப் பிரச்சினையை விட அண்ணி த்ரிஷாவிற்காகவே ஆளுங்கட்சியும் எதிர்க்கட்சியும் சண்டை போட்டுக் கொள்கின்றன” எனக் கூறி தேவையில்லாத சர்ச்சையைக் கிளப்பினார். மேலும், சட்டசபையில் முதலமைச்சர் விஜய் அமர்ந்திருக்கும் விதத்தைக் கிண்டல் செய்தவர், சுற்றியிருப்பவர்கள் என்ன கூறினாலும் தனது கவனத்தில் த்ரிஷா மட்டுமே இருப்பதாகக் கூறி, கூட்டத்தினரின் கைத்தட்டலைப் பெற மலிவான விமர்சனங்களை முன்வைத்தார்.

இத்தகைய தரமற்ற பேச்சுக்கு சமூக வலைதளங்களில் நெட்டிசன்கள் மிகக் கடுமையான எதிர்ப்பைப் பதிவு செய்து வருகின்றனர். சட்டமன்ற உறுப்பினர், அமைச்சர் போன்ற பல உயரிய பதவிகளை வகித்த ஒரு மூத்த அரசியல்வாதி, பொதுவெளியில் பேசும் அடிப்படை நாகரீகத்தைக் கூட மறந்து செயல்படுவதாகச் சாடியுள்ளனர். அரசியல் லாபத்திற்காகவும் தற்காலிகக் கைத்தட்டல்களுக்காகவும் ஒருவரின் தனிப்பட்ட வாழ்வை மேடைகளில் தவறாகச் சித்ரிப்பதை மக்கள் ஒருபோதும் ஏற்றுக்கொள்ள மாட்டார்கள் என இணையவாதிகள் கண்டனம் தெரிவித்து வருகின்றனர்.

இச்சம்பவம் குறித்து கருத்து தெரிவித்துள்ள தமிழக வெற்றிக் கழகத்தினர், இது அதிமுகவின் அரசியல் வீழ்ச்சி மற்றும் ஆற்றாமையின் வெளிப்பாடே என்று விமர்சித்துள்ளனர். தவெகவின் எழுச்சியால் அதிமுகவின் வாக்கு வங்கி சரிந்து வருவதாகவும், முக்கிய நிர்வாகிகளும் எம்.எல்.ஏக்களும் தவெகவை நோக்கிப் படையெடுப்பதால் ஏற்பட்ட பயத்தின் காரணமாகவே ஆர்.பி. உதயகுமார் இதுபோன்ற தரங்கெட்ட விமர்சனங்களை முதலமைச்சர் மீது வாரி இறைப்பதாக அவர்கள் பதிலடி கொடுத்துள்ளனர்.