யாரோடு கூட்டணி…? திட்டவட்டமாக அறிவித்த ராமதாஸ்.. பாமகவில் பரபரப்பு…!!

2026 தமிழக சட்டமன்றத் தேர்தல் நெருங்கி வரும் சூழலில், பாட்டாளி மக்கள் கட்சியின் கூட்டணி நிலைப்பாடு அரசியல் வட்டாரத்தில் பெரும் விவாதத்தை ஏற்படுத்தியுள்ளது. அன்புமணி ராமதாஸ் தலைமையிலான பாமக தரப்பு ஏற்கனவே அதிமுகவுடன் கூட்டணியை உறுதி செய்துள்ள நிலையில், கட்சியின் நிறுவனர் ராமதாஸ் இது குறித்து இன்னும் அதிகாரப்பூர்வமான இறுதி முடிவை அறிவிக்கவில்லை. இந்த முரண்பட்ட சூழல் அக்கட்சித் தொண்டர்களிடையே குழப்பத்தை ஏற்படுத்தியிருந்த நிலையில், இன்று தைலாபுரத்தில் ராமதாஸின் செய்தியாளர் சந்திப்பு முக்கியத்துவம் பெற்றுள்ளது.

விழுப்புரம் மாவட்டம் தைலாபுரத்தில் இன்று செய்தியாளர்களைச் சந்தித்த ராமதாஸிடம் கூட்டணி குறித்து எழுப்பப்பட்ட கேள்விக்கு, “கூட்டணி குறித்த பேச்சுவார்த்தைகள் இன்னும் தொடர்ந்து நடைபெற்று வருகின்றன. இது குறித்த தெளிவான அறிவிப்பு விரைவில் ஊடகங்களுக்குத் தெரிவிக்கப்படும்” என்று சுருக்கமாகப் பதிலளித்தார். ராமதாஸின் இந்த நிதானமான பதில், பாமகவின் தேர்தல் கூட்டணி இன்னும் இறுதி வடிவம் பெறவில்லை என்பதையே காட்டுகிறது. தேர்தல் களம் சூடுபிடித்துள்ள நிலையில் பாமகவின் இறுதி முடிவுக்காக மற்ற கட்சிகளும் காத்திருக்கின்றன.