அடடே ரஜினியின் அடுத்த படத்தை இயக்கப்போவது இந்த இயக்குனர் தானா?.. வேற லெவல் சம்பவம் காத்திருக்கு..!

தமிழ் சினிமாவில் சூப்பர் ஸ்டார் என்ற பட்டத்தோடு முன்னணி நடிகராக கொடி கட்டி பறந்து கொண்டிருப்பவர் தான் நடிகர் ரஜினி. இவருடைய நடிப்பில் இறுதியாக வெளியான வேட்டையன் திரைப்படம் ரசிகர்கள் மத்தியில் எதிர்பார்த்த அளவுக்கு வெற்றி பெறவில்லை. அதற்கு முன்னதாக ரஜினி நடிப்பில் வெளியான ஜெயிலர் திரைப்படம் நல்ல வெற்றியை கொடுத்திருந்தது. அந்த படத்துடன் ஒப்பிடும்போது வேட்டையன் திரைப்படம் ரசிகர்களின் எதிர்பார்ப்பை பூர்த்தி செய்யவில்லை. இருந்தாலும் இது போன்ற கதாபாத்திரத்தில் நடித்ததற்கு ரஜினியை அனைவரும் பாராட்டினர். வேட்டையன் திரைப்படத்தை முடித்துவிட்டு தற்போது லோகேஷ் கனகராஜ் இயக்கத்தில் ரஜினி கூலி திரைப்படத்தில் நடித்து வருகின்றார்.

இந்த திரைப்படத்தில் அவருடன் அமீர்கான், ஸ்ருதிஹாசன் மற்றும் நாகார்ஜுனா உள்ளிட்ட பலரும் முக்கிய கதாபாத்திரத்தில் நடித்து வருகிறார்கள். இந்த திரைப்படத்தின் சூட்டிங் இறுதிக்கட்டமாக தற்போது சென்னையில் நடைபெற்று வரும் நிலையில் ஷூட்டிங் ஸ்பாட்டில் ரஜினி இருக்கும் புகைப்படங்கள் எல்லாம் சமீபத்தில் சமூக வலைத்தளத்தில் வெளியாகி இருந்தது. இந்த திரைப்படத்தில் தேவா என்ற கதாபாத்திரத்தை ரஜினி ஏற்றுள்ளார். கூலி திரைப்படத்தை முடித்துவிட்டு நெல்சன் திலிப் குமார் இயக்கத்தில் ஜெயிலர் 2 திரைப்படத்தில் ரஜினி நடிக்க கமிட்டாகி உள்ளார்.

அதன் அறிவிப்பு வீடியோ கடந்த பொங்கலுக்கு வெளியாகி மிகப்பெரிய வரவேற்பை பெற்றது. இந்தத் திரைப்படத்தையும் முடித்துவிட்டு மணிரத்தினத்துடன் அவர் இணைய வாய்ப்புள்ளதாக சமீபத்தில் தகவல் வெளியானது. இந்நிலையில் இதுவரை தோல்வி படமே கொடுக்காமல் இந்திய அளவில் முக்கியமான இயக்குனராக மாறியிருக்கும் வெற்றிமாறன் ரஜினிக்கு கதை சொல்லியதாகவும் அந்த கதையில் நடிக்க ரஜினி சம்மதம் தெரிவித்து விட்டதாகவும் அதற்கான அதிகாரப்பூர்வ அறிவிப்பை விரைவில் வெளியாகும் எனவும் தகவல் வெளியாகி உள்ளது.