“17 லட்சம் உறுப்பினர்கள்.. அடுத்த கட்டத்திற்கு தாவும் அண்ணாமலை”…. ரஜினி குடும்பத்தில் இருந்து வரும் புதிய அரசியல் வாரிசு?… காத்திருக்கும் முக்கிய பதவி….!

தமிழக அரசியலில் கடந்த சில மாதங்களாகவே பரபரப்புக்கு பஞ்சம் இல்லாத சூழல் நிலவி வருகிறது. குறிப்பாக, நடந்து முடிந்த 2026 சட்டமன்றத் தேர்தல் திமுக – அதிமுக என்ற இருதுருவ அரசியலை மாற்றி, தவெஜ தலைவர் விஜய் முதல்வராக பொறுப்பேற்கும் வரையிலான அதிரடி திருப்பங்களை ஏற்படுத்தியது. இந்த அரசியல் மாற்றங்களுக்கு மத்தியில், பாஜகவில் இருந்து விலகி ‘வி தி லீடர்ஸ்’ (We The Leaders) என்ற புதிய மக்கள் இயக்கத்தைத் தொடங்கியுள்ள அண்ணாமலையின் அடுத்தடுத்த நகர்வுகள் அரசியல் களத்தை மேலும் சூடுபிடிக்க வைத்துள்ளன.

தொடக்கத்திலேயே இணையதளம் மற்றும் செயலி வாயிலாக சுமார் 17 லட்சம் உறுப்பினர்களைப் பெற்று மாபெரும் வரவேற்பைப் பெற்றுள்ள இந்த இயக்கத்தில், அடுத்ததாக இணையப் போகும் பிரபலங்கள் யார் யார் என்ற எதிர்பார்ப்பு அதிகரித்துள்ளது. அந்த வகையில், நடிகர் ரஜினிகாந்தின் மூத்த மகள் சௌந்தர்யாவின் கணவரும், பிரபல தொழிலதிபருமான விசாகன் வணங்காமுடி அண்ணாமலையின் இயக்கத்தில் இணைய உள்ளதாக வெளியாகி வரும் தகவல் தற்போது தமிழக அரசியல் வட்டாரங்களில் பெரும் விவாதப் பொருளாக மாறியுள்ளது.

மருந்து உற்பத்தி நிறுவன நிர்வாகத்தில் முக்கிய பொறுப்பில் இருக்கும் விசாகன் வணங்காமுடி, தொழில் உலகில் சிறந்த நிர்வாகத் திறமை கொண்டவராக அறியப்படுபவர். இளைஞர்கள், நகர்ப்புற நடுத்தர வர்க்கத்தினர் மற்றும் தொழில்முனைவோரைக் கவர்ந்து, தனது புதிய இயக்கத்தை அரசியல் கட்சியாக மாற்றத் திட்டமிட்டு வரும் அண்ணாமலைக்கு, விசாகன் போன்ற ஒரு ஆளுமையின் வருகை கூடுதல் பலமாக அமையும் என அரசியல் பார்வையாளர்கள் கருதுகின்றனர். மேலும், அவருக்கு இயக்கத்தில் ‘பொதுச் செயலாளர்’ போன்ற மிக முக்கிய பொறுப்பு வழங்கப்படலாம் என்றும் அரசியல் வட்டாரங்களில் பேசப்படுகிறது.

இருப்பினும், இந்த விவகாரம் தொடர்பாக அண்ணாமலை தரப்பிலிருந்தோ அல்லது விசாகன் வணங்காமுடி தரப்பிலிருந்தோ இதுவரை எந்தவிதமான அதிகாரப்பூர்வ அறிவிப்பும் வெளியிடப்படவில்லை. பல்வேறு துறைகளைச் சேர்ந்த முக்கிய பிரமுகர்களைத் தன் இயக்கத்தில் இணைக்க அண்ணாமலை முயன்று வரும் வேளையில், இந்தத் தகவல் அவரது ஆதரவாளர்களால் பரப்பப்படும் செய்தியாகவே தற்போதைக்கு பார்க்கப்படுகிறது. எனவே, அதிகாரப்பூர்வ அறிக்கை வரும் வரை ரஜினிகாந்தின் மருமகன் அரசியலில் அடியெடுத்து வைப்பது குறித்த தகவல் ஒரு யூகமாகவே நீடிக்கிறது.