நாயகன் பாத்துட்டு குற்றவுணர்ச்சிக்கு ஆளான ரஜினி… அதுக்கப்புறம்தான் அவர் படங்களில் இந்த மாற்றமெல்லாம் நடந்ததா?

1975 ஆம் ஆண்டு வெளியான அபூர்வ ராகங்கள் திரைப்படத்தின் மூலமாக தமிழ் சினிமாவில் அறிமுகமானார் ரஜினிகாந்த். அந்த படத்தில் ஒரு மிகச்சிறிய வேடமே அவருக்குக் கொடுக்கப்பட்டு இருந்தது. அதன் பிறகு மூன்று முடிச்சு உள்ளிட்ட திரைப்படங்களில் வில்லனாக நடித்து தனக்கென ஒரு ஸ்டைலை உருவாக்கினார்.

அபூர்வ ராகங்கள் படத்தில் ரஜினிகாந்த் கேன்சர் நோயால் பாதிக்கப்பட்டு சீக்கிரமே உயிரிழக்கப் போகும் ஒரு கதாபாத்திரத்தில் நடித்திருந்தார். அதன் பிறகு ரஜினியை சூப்பர் வில்லன் ஆக்கியது பாலச்சந்தர் இயக்கிய மூன்று முடிச்சு திரைப்படம். அதன் பிறகு ரஜினி தமிழ் சினிமாவின் மோஸ்ட் வாண்டட் வில்லன் நடிகர் ஆனார்.

அதன் பின்னர் ஹீரோவாகி, தமிழ் சினிமாவின் ஏன் இந்திய சினிமாவின் சூப்பர் ஸ்டார் ஆனார். அதன் பிறகு அவர் கமர்ஷியல் மாஸ் படங்களில் மட்டுமே நடிக்கத் தொடங்கினார். ஆனாலும் கமல் நடிக்கும் கிளாஸ் படங்களின் மேல் ரஜினிக்கு ஒரு ஆர்வம் எப்போதும் இருந்ததாம். நாயகன் படத்துக்குப் பிறகு ரஜினி தன்னுடைய படங்களில் சில விஷயங்களை சேர்க்க வேண்டும் என முடிவெடுத்தாராம்.

இதுபற்றி பேசியுள்ள ரஜினியின் ஆஸ்தான இயக்குனர்களில் ஒருவரான கே எஸ் ரவிக்குமார் “நாயகன் படத்தைப் பற்றி இப்போது வரைக்கும் பேசுகிறார்கள். ஆனால் மனிதன் படத்தைப் பற்றி யார் பேசுகிறார்கள். நாயகன் படத்தை ரஜினி சாரே எத்தனை முறை பார்த்திருப்பார். அதன் பிறகுதான் தன்னுடைய படங்கள் வெறும் கமர்ஷியல் படங்களாக இருக்கக் கூடாது எனமுடிவெடுத்து சில விசயங்களை சேர்க்க வேண்டும் என நினைத்தார்.

அதன் பிறகு தளபதி, அண்ணாமலை, பாட்ஷா, முத்து, படையப்பா ஆகிய படங்கள் வந்தன. அந்த படத்தில் ரஜினியின் நடிப்பு அதற்கு முந்தைய படங்களை விட சிறப்பாக இருக்கும்.” எனக் கூறியுள்ளார்.