” நீங்க என்னவிட சின்னவர்.. இல்லன்னா உங்க கால்ல விழுந்திருப்பேன்…”- கமலின் படத்தைப் பார்த்துவிட்டு நள்ளிரவில் நேரில் போய் பாராட்டிய ரஜினி!

தமிழ் சினிமாவின் பேராளுமைகளில் ஒருவரான கமல்ஹாசன் 90 களில் பல பரிசோதனை முயற்சி படங்களாக நடித்துக் கொண்டிருந்தார். அதனால் அவரின் பல படங்கள் கமர்ஷியலாக வெற்றி பெறாமல் தோல்வி அடைந்தன. ஆனால் காலம் சென்று அந்த படங்கள் இன்றும் கல்ட் கிளாசிக் படங்களாக கொண்டாடப்பட்டு வருகின்றன.

கமல்ஹாசன் நடிப்பில் உருவான பல தோல்வி படங்கள் காலம் தாண்டி ரசிகர்களால் கொண்டாடப்பட்டு வருகின்றன. ராஜபார்வை, விக்ரம், குணா, ஹேராம் போன்ற படங்களே அதற்கு உதாரணம். அதே போல அவர் கஷ்டப்பட்டு உருவாக்கிய படங்களில் வெற்றி பெற்ற திரைப்படம்தான் அபூர்வ சகோதரர்கள்.

அந்த படத்தில் இரட்டை வேடத்தில் நடித்த கமல்ஹாசன், ஒரு வேடத்தில் குள்ளமானவராக நடித்தார். அந்த படத்துக்காக அவர் மிகவும் கஷ்டப்பட்டு பல தந்திரமான ஷாட்களில் நடித்து அந்த வேடத்தில் நடித்தார். அது இப்போது வரை ரசிகர்களால் வெகுவாக சிலாகிக்கப்பட்டு வருகிறது. இந்த படம் வசூல் ரீதியாக மிகப்பெரிய அளவில் வெற்றி பெற்றது.

இந்த படம் பார்த்த அனுபவத்தை நடிகர் ரஜினிகாந்த் ஒரு நேர்காணலில் பகிர்ந்துள்ளார். அதில் “கமல் நடிப்பில் எனக்கு ரொம்ப ரொம்ப பிடிச்ச படம் அபூர்வ சகோதரர்கள். அந்த படம் பார்த்துவிட்டு என் மனைவியிடம் நான் சொன்னேன். இப்பவே நான் கமலைப் போய் பார்க்கவேண்டும். அப்போது மணி இரவு 2.30 மணி. என் மனைவி வேண்டாம் என்றார். ஆனால் நான் அப்போதே அவர் வீட்டுக்கு சென்று அவரை தூக்கத்தில் இருந்து எழுப்பினேன்.

அவரிடம் ‘கமல் நீங்க என்னை விட வயதில் இளையவர். இல்லையென்றால் உங்கள் காலில் விழுந்துவிடுவேன். நீங்கள் immortal ஆகிவிட்ட்டீர்கள் என்றேன். அதுபோல தேவர் மகன் படம். அந்த படத்தில் கமல் அப்போதே எப்படி சிந்தித்து கதை எழுதியுள்ளார். அதே போல ஹேராம் திரைப்படம். அதை ஒரு 30 தடவைக்கு மேல் பார்த்திருப்பேன்.” எனப் பாராட்டியுள்ளார்.